نئی دہلی: مغربی بنگال سے بھارتیہ جنتا پارٹی کے ایم ایل اے اسیم سرکار نے جمعہ کو دعویٰ کیا کہ شہریت (ترمیمی) ایکٹ (سی اے اے) دسمبر تک لاگو ہونے کا امکان ہے۔ مغربی بنگال میں بی جے پی کے پناہ گزین سیل کے صدر سرکار نے کہا کہ لوگوں کی امنگوں کو پورا کرنے کے لیے ریاست میں سی اے اے کو لاگو کرنے کی ضرورت ہے۔ انہوں نے نامہ نگاروں کو بتایا، “ریاستی پناہ گزینوں کے سیل کے سربراہ کے طور پر، مجھے لگتا ہے کہ CAA بالآخر اس دسمبر تک نافذ ہو جائے گا۔” اس وقت تک یہ عمل زور پکڑنے لگے گا۔انہوں نے کہا، “سی اے اے کو مغربی بنگال میں خاص طور پر سرحدی اضلاع میں ہندو پناہ گزینوں کے لیے نافذ کرنے کی ضرورت ہے تاکہ لوگوں کی امنگوں کو پورا کیا جا سکے۔”
