نئی دہلی، 29 اپریل (سیاست ڈاٹ کام) مرکزی ثانوی تعلیمی بورڈ نے چہارشنبہ کو یہ واضح کیا کہ اس نے یکم ؍اپریل کو ہی اعلان کر دیا تھا کہ لاک ڈاؤن کے بعد ہی شمالی دہلی میں دسویں بورڈ کے چھ پیپر اور بارہویں بورڈ کے 11 پیپرکے امتحانات کے بارے میں فیصلہ کیا جائے گا۔غور طلب ہے کہ دارالحکومت میں فسادات کی وجہ یہ پیپر نہیں ہو پائے تھے ۔ سی بی ایس ای نے میڈیا میں شائع ان خبروں کو بے بنیاد بتایا کہ بورڈ نے دسویں اور بارہویں بورڈ کے امتحانات کے بارے میں کوئی نیا فیصلہ کیا ہے ۔ بورڈ کا کہنا ہیکہ یکم اپریل کو جو پریس ریلیز جاری کی تھی، اس میں کوئی تبدیلی نہیں کی گئی ہے ۔ اس نے کہا کہ یکم اپریل کو سرکلر کے مطابق پہلے ہی فیصلہ کیا جا چکا ہیکہ دسویں اور 12 ویں کے بورڈ کے بقیہ ہوئے پیپرو ں کے امتحان کے بارے میں فیصلہ مشاورت کرکے کیاجائیگا اور دس دن کا وقت دیا جائے گا۔سی بی ایس ای نے یہ بھی کہا ہے کہ ملک کے دیگر حصوں میں 12 ویں بورڈ کے 12 پیپروں کے امتحانات کے بارے میں فیصلہ بھی لاک ڈاؤن کے بعد مشاورت کرکے کیا جائے گا اور دس دن پہلے اطلاع دی جائے گی۔