لکھنؤ: اترپردیش کے و زیر اعلی یوگی آدتیہ ناتھ نے ہفتہ کو ریاست کے آئندہ اسمبلی انتخابات کے پروگرام کے اعلان کے امکانات سے عین قبل کہا کہ ریاست کا یہ الیکشن80 فیصد بمقابلہ 20 فیصد کا ہوگا جس میں 80فیصدی شراکت داری بی جے پی کی ہوگی جبکہ بقیہ 20فیصدی حصے میں سبھی پارٹیاں ہونگی۔ یوگی یہاں دوردشن کے ذریعہ منعقد ڈی ڈی کانکلیو میں صحافی کے سوالوں کا جواب دے رہے تھے ۔اس دوران انہوں نے دعوی کیا کہ بی جے پی اس بار بھی 300سے زیادہ سیٹوں پر جیت درج کرے گی۔ انتخاب میں اپوزیشن کے چیلنج کے سوال پر یوگی نے کہا‘ سال 2019 میں سب سے بڑا اتحاد ہوا تھا۔ ایس پی۔ بی ایس پی اور لوک دل سمیت تمام پارٹیوں نے مل کر انتخاب لڑا تھا اس وقت سب سے زیادہ 64سیٹیں بی جے پی کو اس کے بعد دوسرے مقام پر بی ایس پی کو 10اور ایس پی کو 5سیٹیں ملیں تھیں ۔ میں نے اس وقت بھی کہا تھا کہ بی جے پی کو 65سیٹیں ملیں گی۔ انہوں نے کہا کہ اس بار سبھی اپوزیشن پارٹیاں الگ الگ انتخابی میدان میں اتررہی ہیں۔ اس سے واضح ہے کہ بی جے پی پھر 300سے زیادہ سیٹوں پر کامیاب ہوگی۔ صحت مند جمہوریت میں کچھ سیٹیں اپوزیشن کو بھی ملیں گی اور یہ ہونا بھی چاہئے ۔الیکشن کو سخت امتحان بتائے جانے کے سوال پر انہوں نے کہا کہ انتخابات ان لوگوں کیلئے مشکل اور چیلنجنگ ہوتے ہیں ادھوری تیاریوں کی وجہ سے خائف ہوتے ہیں۔ انہوں نے کہا کہ ہمارے لئے انتخابات امتحان نہیں بلکہ جشن ہیں۔ انہوں نے کہا کہ اترپردیش میں بی جے پی کی حکومت نے پانچ سال میں صرف مفاد عامہ کے کام کئے ہیں۔
الیکشن کی تواریخ کا خیر مقدم :یوگی
لکھنؤ : اترپردیش کے وزیر اعلی یوگی آدتیہ ناتھ نے ہفتہ کو پانچ ریاستوں کے اسمبلی انتخابات کے لئے تاریخوں کے اعلان کا خیرمقدم کرتے ہوئے کہا کہ جمہوریت کے ‘عظیم تیوہار’ میں ریاستی انتخاب کی تاریخوں کا استقبال کرتے ہیں۔ یوگی نے اپنے ٹوئٹ میں لکھا کہ جمہوریت کے عظیم تیوہار میں ریاست کے انتخاب کی تاریخوں کے اعلان کا استقبال ہے ۔ بی جے پی ڈبل انجن کی حکومت کی حصولیابیوں کی بنیاد پر عوام کے آشیرواد سے مکمل اکثریت کی حکومت بنانے میں کامیاب ہوگی۔
اس لئے ان کی انتخابات میں جانے کی تیاری پوری ہے ۔ یوگی نے اس کا موازنہ امتحان میں جانے والے طلبہ کرتے ہوئے کہا کہ جو طلبہ سال بھر پڑھائی کرتے ہیں وہ امتحان کے وقت نہیں گھبراتے ہیں۔ امتحان میں وہیں طلبہ گھبراتے ہیں جو سال بھر کلاس نہیں جاتے ہیں اور ان کی تیاری ادھوری ہوتی ہے ۔انہوں نے کہا کہ اس لئے میں مانتا ہوں کہ ہمارے لئے الیکشن امتحان نہیں بلکہ اتسو ہے ۔ انہوں نے کہا کہ سال 2017 سے پہلے حکومت اور پولیس فسادیوں کے سامنے گڑگڑاتی تھی۔ وزیر اعلی رہائش گاہ پر فسادیوں کو اعزاز سے نوازا جاتا تھا۔ مبینہ دہشت گردوں کے مقدمے واپس لئے جاتے تھے ،فسادی جہاں چاہتے تھے دھماکہ کرتے تھے ۔ لیکن آج فسادیوں کی ہمت نہیں ہے کہ کچھ کر سکیں یہی فرق ہے جو صاف ہے ۔ایس پی سربراہ اکھلیش یادو کے خواب میں بھگوان کرشن کے آنے کے سوال پر یوگی نے کہا کہ بھگوان کرشن اکھلیش کو انتباہ دینے آتے ہونگے کہ جب وزیر اعلی تھے تو متھرا میں جواہر باغ کا فساد کراتے تھے اور بھگوان کے مندروں کو بدحال رکھتے تھے ۔