ایک جوان بھی شہید ‘ تصادم کے مقام سے اسلحہ و گولہ بارود بھی برآمد
بیجا پور :چھتیس گڑھ کے بیجا پور ضلع میں سکیوریٹی فورسیس اور نکسلیوں کے درمیان زبردست تصادم کی خبر سامنے آئی ہے۔ اس تصادم میں 22 نکسلی ڈھیر کر دیئے گئے ہیں۔ وہیں ڈی آر جی کا ایک جوان بھی شہید ہوا ہے۔ ایک سینئر پولیس افسر نے یہ اطلاع دی۔ پولیس افسر نے بتایا کہ تصادم بیجا پور اور دنتے واڑہ ضلعوں کی سرحد پر واقع جنگل میں اس وقت شروع ہوا جب سلامتی دستوں کی ایک مشترکہ ٹیم گنگالور تھانہ علاقہ (بیجا پور) میں نکسل مخالف مہم پر ؎تھی۔اس تصادم کی تصدیق ضلع کے ایس پی جتیندر یادو نے بھی کی ہے۔ انہوں نے بتایا کہ دونوں طرف سے وقفہ وقفہ سے گولی باری کا دور جاری رہا۔ علاقے میں سرچنگ آپریشن تیز کر دی گئی ہے۔ ذرائع کے مطابق تصادم میں اب تک 22 نکسلیوں کی موت ہو گئی ہے جبکہ18نعشیں برآمد کرنے کا دعوی بھی کیا گیا ہے ۔ اس دوران اسلحہ اور بڑی تعداد میں گولہ بارود بھی برآمد کیا گیا ہے۔اس سے پہلے بیجا پور اور نارائن پور سے لگی مہاراشٹرا کی سرحد پر سیکوریٹی فورسز اور نکسلیوں کے درمیان تصادم ہوا تھا۔ اس میں 31 نکسلیوں کی موت ہو گئی تھی۔ اطلاع کے مطابق مارے گئے نکسلیوں کی تعداد بڑھ سکتی ہے۔ ساتھ ہی تصادم کی جگہ سے آٹومیٹک اسلحہ بھی برآمد کیے گئے ہیں۔واضح رہے کہ چھتیس گڑھ میں سلامتی دستے مسلسل نکسلیوں کے خلاف ایکشن لے رہے ہیں۔ بیجاپور کے فرسیگڑھ تھانہ نیشنل پارک علاقے میں مہاراشٹرا اور چھتیس گڑھ کی سرحد پر صبح سے تصادم جاری ہے وہیں اس تصادم میں دو جوان زخمی ہوئے ہیں۔