دوشنبہ / آستانہ / تبلیسی : عیدالاضحی کے آغاز کے ساتھ ہی دنیا کے مختلف حصوں میں لوگوں نے عید کی نماز ادا ادا کرتے ہوئے عید منانے کا سلسلہ جاری رکھا ہوا ہے۔شمالی قبرصی ترک جمہوریہ کے شہر غازی مگوسا میں سینکڑوں مسلمان نماز ادا کرنے کے لیے ایک ہی صف میں کھڑے ہوگئے۔آذربائیجان کے دارالحکومت باکو میں مساجد میں بڑے پیمانے پر رش دیکھا گیا۔ترکمانستان میں مسلمان صبح کے وقت ہی سے مساجد میں نماز کے لیے موجود رہے۔قازقستان کے دارالحکومت آستانہ کے رہائشی وسطی ایشیا کی سب سے بڑی مسجد مرکزی مسجد میں نماز عید کے لیے یکجا ہوئے۔کرغستان میں، دارالحکومت بشکیک کے ضلع کیل میں، مسلمان کرکرغستان ۔ ترکیہ ماناس یونیورسٹی کی فیکلٹی آف تھیولوجی کی عبدالکریم ساتوک بوغرا خان مسجد میں جمع ہوئے۔تاریخی غازی حسریو بے مسجد وہ مقام تھا جہاں بوسنیا اور ہرزیگووینا کے دارالحکومت سرائیوو میں عید کی نماز کے لیے مسلمان اکٹھے ہوئے۔سرائیوو میں مسلمان بوسنیا اور ہرزیگوینا کی اسلامی یونین کے صدر حسین کاوازوچ کے پیچھے قطار میں کھڑے ہو گئے اور ان کا عید کا خطبہ سنا۔خطبہ میں عالم اسلام سے فلسطین کے لیے آواز بلندکرنے کی اپیل کی گئی۔جارجیا کے دارالحکومت تبلیسی میں مسلمانوں نے صبح سویرے عید کی نماز کے لیے دوہرے محراب والی مسجد کے سامنے یکجا ہوئے اور عید کی نماز ادا کی۔سلیمانیہ، عراق کے مسلمان بھی فجر کی مسجد میں اکٹھے ہوئے۔جرمنی میں، ہزاروں مسلمان صبح سویرے ترک ۔اسلامک یونین آف ریلیجیئس افیئرز کی کولون سنٹرل مسجد میں جمع ہوئے اور عید کی نماز ادا کی۔
