غزہ میں نسل کشی کو ریکارڈ نہیں ‘ رپورٹ کیا جائے‘ سابق بیورو چیف نیو یارک ٹائمز کا بیان
نیویارک :نیو یارک ٹائمز مشرق وسطیٰ کے سابق بیورو چیف کرس ہیجز نے دنیا بھر کے لوگوں سے غزہ میں اسرائیل کے مظالم کے خلاف کھڑے ہونے کا مطالبہ کیا ہے۔سابق بیورو چیف نیو یارک ٹائمز نے کہا جو کچھ غزہ میں دیکھ رہے ہیں وہ فلسطین کی تاریخ میں بدترین ہے۔ غزہ میں ہونے والی نسل کشی کو ریکارڈ نہیں بلکہ رپورٹ کیا جائے۔کرس ہیجز نے مزید کہا کہ ہم سب کا فرض ہے کہ فلسطینی عوام کے حقوق اور تحفظ کا خیال رکھا جائے اور نسل کشی کی اس مہم کو روکنے کیے ہر ممکن کوشش کی جائے۔دوسری جانب امریکہ نے متحدہ عرب امارات کی جانب سے اقوام متحدہ کی سلامتی کونسل میں غزہ میں جنگ بندی سے متعلق قرار داد کو ایک بار پھر ویٹو کر دیا۔سلامتی کونسل کے 15 میں سے 13 اراکین نے غزہ میں جنگ بندی کی قرارداد کے حق میں ووٹ ڈالا۔ امریکہ نے قرارداد کی مخالفت کی جبکہ برطانیہ ووٹنگ سے غیر حاضر رہا۔فلسیطنی مزاحمتی نتظیم نے امریکہ کی جانب سے جنگ بندی کی قرارداد کو ویٹو کرنے کی مذمت کرتے ہوئے کہا کہ امریکہ نے غیر اخلاقی اور غیر انسانی مؤقف اپنایا ہے۔ امریکہ نے ہمارے لوگوں کی نسل کشی میں اسرائیل کی مددکی ہے۔اقوام متحدہ کے سیکریٹری جنرل نے اپنے بیان میں کہا کہ حماس کی کارروائیاں کبھی بھی فلسطینی عوام کی اجتماعی سزا کا جواز نہیں بن سکتیں۔ غزہ میں انسانی بحران کا سنگین خطرہ لاحق ہے لہذا غزہ میں انسانی ہمدردی کی بنیاد پرفوری جنگ بندی کی جائے۔