واشنگٹن؍ ریو ڈی جنیرو ؍ نئی دہلی۔جان لیوا اور خوفناک وبا کووڈ۔ 19 کا قہر دنیا بھر میں رکنے کا اب بھی نام نہیں لے رہا ہے اور عالمی سطح پر کورونا متاثرین کی تعداد اب 2.20 کروڑ سے تجاوز کرچکی ہے اور 7.81 لاکھ لوگ اس جان لیوا وبا سے ہلاک ہو چکے ہیں۔کووڈ ۔19 سے متاثر ہونے کے معاملہ میں امریکہ اب بھی دنیا بھر میں پہلے ، برازیل دوسرے اور ہندوستان تیسرے نمبر پر ہے ۔وہیں اس مہلک وبا سے ہلاک شدگان کے معاملہ میں امریکہ پہلے ، برازیل دوسرے ، میکسیکو تیسرے اور ہندوستان اموات کے لحاظ سے چوتھے نمبر پر ہے ۔ جان ہاپکنز یونیورسٹی کے سائنس اور انجینئرنگ سینٹر (سی ایس ایس ای) کی جانب سے جاری تازہ ترین اعداد و شمار کے مطابق کوروناوائرس سے دنیا بھر میں 22,136,954 افرادمتاثر اور 7,80,908 افراد ہلاک ہوچکے ہیں۔امریکہ میں اب تک 5,482,416 لاکھ افراد کورونا وائرس سے متاثر اور 171,821 افراد ہلاک ہوچکے ہیں۔ برازیل میں اب تک 3,407,354 لاکھ افراد کورونا وائرس سے متاثر ہوئے ہیں جبکہ 109,888 افراد ہلاک ہوچکے ہیں۔
جنوبی کوریا میں کورونا انفیکشن کے 297 نئے معاملے
سیئول۔ جنوبی کوریا میں گزشتہ چوبیس گھنٹوں کے دوران کورونا وائرس (کووڈ۔19 ) انفیکشن کے 297 نئے معاملے سامنے آنے کے ساتھ ہی مجموعی طور سے معاملوں کی تعداد بڑھ کر 16,058 ہوگئی ہے ۔جنوبی کوریا میں گزشتہ چھ دنوں سے کورونا انفیکشن کے نئے معاملوں میں مسلسل اضافہ ہورہا ہے ۔ گزشتہ جمعہ کو 103، ہفتہ کو166، اتوار کو 279، پیر کو 197 اور منگل کو246 نئے کیس ہوئے۔