بعض یوروپی ممالک میں فوت ہونے والوں میں کمی، متاثرین کی تعداد میں اضافہ
بیجنگ ؍ جنیوا نئی دہلی، 14اپریل (سیاست ڈاٹ کام) دنیابھرمیں عالمی وبا کورونا وائرس سے متاثرین کی تعداد 20 لاکھ سے زیادہ ہو گئی ہے ۔امریکہ کی جان ہاپکنزیونیورسٹی کی رپورٹ کے مطابق دنیا بھرمیں کورونا وائرس سے اب تک 20.20 لاکھ لوگ متاثر ہوئے ہیں اور 1.20 لاکھ لوگوں کی موت ہوئی ہے ، وہیں 4.49 لاکھ افراداس سے ٹھیک بھی ہوئے ہیں۔عالمی ادارہ صحت (ڈبلیو ایچ او) نے گزشتہ ماہ 11 مارچ کو اسے عالمی وبا قراردیا تھا۔ ڈبلیو ایچ او کی رپورٹ کے مطابق دنیا بھر میں اب تک کورونا وائرس سے 17 لاکھ سے زائد افراد متاثر ہوئے ہیں اور 1.11 لاکھ لوگوں کی موت ہوئی ہے ۔عالمی وبا کوروناائرس کا پھیلاو رکنے کا نام نہیں لے رہا ہے اور اب دنیا کے زیادہ تر ممالک میں یہ وائرس پھیل چکا ہے۔ جان ہاپکنز یونیورسٹی کی جانب سے جاری تازہ ترین اعداد و شمار کے مطابق امریکہ میں کورونا وائرس سے دنیا میں سب سے زیادہ اموات ہوئی ہیں۔دنیا کی سوپر پاور مانے جانے والے امریکہ میں یہ وبا بھیانک شکل اختیار کر چکی ہے۔ اطلاعات کے مطابق یوروپ کے بعض ممالک میں مرنے والوں کی تعداد میں کمی آئی ہے لیکن مریضوں کی تعداد میں اضافہ ہوا ہے۔ امریکہ میں اب تک 581679 افراد اس وبا سے متاثر ہوئے ہیں جبکہ 23064 افراد کی موت ہو چکی ہے ۔ امریکہ میں اس بیماری سے اب تک 43482 لوگ ٹھیک ہو چکے ہیں۔امریکہ کے بعد سب سے زیادہ شدید طور پر متاثر یوروپی ملک اٹلی ہے جہاں اس وبا سے اب تک 20465 افراد کی موت ہو چکی ہے اور 159516 لوگ اس وبا سے متاثر ہوئے ہیں۔اس عالمی وبا کے مرکز چین میں اب تک 82249 افراد اس سے متاثر ہوئے ہیں اور 3341 اموات ہوئی ہیں۔ اس وائرس کے حوالہ سے تیار کی گئی ایک رپورٹ کے مطابق چین میں ہونے والی اموات کے 80 فیصد کیسز 60 سال سے زیادہ عمر کے لوگوں کے تھے ۔وہیں اسپین اس وبا سے سب سے زیادہ متاثر ہونے والے ممالک کی فہرست میں امریکہ کے بعد دوسرے نمبر پر ہے ۔ یہاں اب تک 170099 افراد اس کی زد میں آ چکے ہیں اور 17756 لوگوں کی اس سے موت ہو چکی ہے ۔اس دوران کورونا وائرس سے متاثرین اورا موات کے معاملہ میں یوروپی ملک فرانس اور جرمنی میں بھی حالات کافی خراب ہو چکے ہیں۔ فرانس میں اب تک 137875 لوگ متاثر ہوئے ہیں جن میں سے 14967 لوگوںکی موت ہو چکی ہے ۔ وہیں جرمنی میں کورونا وائرس سے 130072 افراد متاثر ہوئے ہیں اور 3194 افراد کی موت ہو چکی ہے۔ اس کے علاوہ برطانیہ میں حالات مسلسل خراب ہوتے جا رہے ہیں جہاں 88621 لوگ اس سے متاثر ہوئے ہیں اور اب تک 11339 لوگوں کی اس وبا سے موت ہو چکی ہے ۔ کورونا وائرس سے خلیجی ملک ایران میں 73303 لوگ اس وبا سے متاثر ہوئے ہیں جبکہ 4585 لوگوں کی اس سے موت ہوئی ہے ۔وہیں بلجیم میں 3903، ہالینڈ میں 2823، ترکی میں 1296، برازیل میں 1223، سوئٹزرلینڈ میں 1129، سویڈن میں 919، کینیڈا میں 734، پرتگال میں 535 اور انڈونیشیا میں 399، آسٹریا میں 368، آئر لینڈ میں 334، ایکواڈور میں 333، میکسیکو میں 332، رومانیہ میں 318، فلپائن میں 315، الجیریا میں 293، ڈنمارک میں 285، اور پولینڈ میں 245 لوگوں کی موت ہو چکی ہے۔ جنوبی کوریا میں اس وبا سے 222 افراد ہلاک جبکہ 10564 افراد اس سے متاثرہوئے ہیں۔
