جنیوا / بیجنگ / نئی دہلی : عالمی وباکورونا وائرس (کووڈ-19) کاقہر انتہائی تیزی سے بڑھتا جارہا ہے اور دنیا بھر میں متاثرہ افراد کی تعداد 13.3 کروڑ کو عبور کر چکی ہے جبکہ ہلاک ہونے والوں کی تعداد پانچ لاکھ 78 ہزار سے اوپر پہنچ چکی ہے ۔کووڈ 19 سے متاثرین کی تعداد کے معاملہ میں امریکہ دنیا بھر میں پہلے ، برازیل دوسرے اور ہندوستان تیسرے مقام پر ہے ۔ دوسری طرف ، اس وبا کی وجہ سے اموات کی تعداد کے لحاظ سے امریکہ پہلے ، برازیل دوسرے اور برطانیہ تیسرے نمبر پر جبکہ ہندوستان آٹھویں نمبر پر ہے ۔امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کی جانب سے جاری اعداد و شمار کے مطابق ، دنیا بھر میں کورونا وائرس متاثرین کی تعداد بڑھ کر 1،33،23،530 ہوگئی ہے جبکہ اب تک 5،78،628 افراد اس جان لیوا وبا سے ہلاک ہوچکے ہیں۔کورونا وائرس کے دنیا بھر میں 50 لاکھ 29 ہزار 95 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 59 ہزار 506 کی حالت تشویش ناک ہے جبکہ 78 لاکھ 52 ہزار 461 مریض صحت یاب ہو چکے ہیں۔
