لکھنؤ:سماج وادی پارٹی کے صدر اکھلیش یادو نے پیر کو حکمراں بھارتیہ جنتا پارٹی (بی جے پی) پر سخت نشانہ لگایا۔ بی جے پی پر طنز کرتے ہوئے انہوں نے کہا کہ دنیا کی سب سے بڑی پارٹی کے پاس الیکشن لڑنے کے لیے امیدوار نہیں ہیں۔ ایس پی سربراہ کا یہ بیان شاہجہاں پور سے پارٹی کی میئر امیدوار ارچنا ورما کے بی جے پی میں شامل ہونے کے ایک دن بعد آیا ہے۔اکھلیش یادو نے ٹویٹ کیا، ”ان لوگوں کا دیوالیہ پن دیکھیں جو دعویٰ کرتے ہیں کہ دنیا کی سب سے بڑی پارٹی کے پاس الیکشن لڑنے کے لیے امیدوار بھی نہیں ہے۔ اس کا مطلب ہے کہ یا تو بی جے پی کے پاس کوئی کارکن نہیں ہے۔ یا بی جے پی میں اپنے کارکنوں کو ٹکٹ نہ دے کر ان کی توہین کرنے کی روایت ہے۔ بی جے پی اندرونی لڑائی میں الجھی ہوئی ہے۔
