دبئی ۔دبئی میں پام جمیرہ کے پرکشش واٹر فرنٹ پر دی پوائنٹ میں دنیا کے سب سے بڑے فوارے کا افتتاح کیا گیا ہے۔ گنیز ورلڈ ریکارڈ کے مطابق دنیا کا سب سے بڑے فوارہ بن گیاہے۔فوارے کی افتتاحی تقریب دنیا بھر میں براہ راست دکھائی گئی۔ ممتاز شخصیات، شہریوں، مقیم غیر ملکیوں، ممتاز شخصیات اور سیاحوں نے شرکت کی۔پام فاؤنٹین 14 ہزار مربع فٹ سمندری پانی میں پھیلا ہوا ہے اور یہ شہر کا واحد کثیر رنگ کا فوارہ ہے۔ اس کا سوپر شوٹر3 ہزار سے زیادہ ایل ای ڈی لائٹس کے ساتھ 105 میٹر کی اونچائی تک پانی پھینکتا ہے۔فوارہ غروب آفتاب سے آدھی رات تک عوام کیلئے کھلا ہے۔ اس میں خلیجی، پاپ، کلاسیکی اور بین الاقوامی مقبول گانوں کے ساتھ 20 سے زیادہ شوز دیکھے جاسکتے ہیں۔ یہ فوارہ دبئی کے عالمی شہرت یافتہ اہم مقامات میں ایک اور قابل قدر اضافہ ہے۔توقع ہے کہ اس کی جانب بڑی تعداد میں لوگ چلے آئیں گے۔دی پام فاؤنٹین میں 20 بیسپوک شو ہوں گے جن میں ہر پانچ الگ شوز روزانہ شام7 بجے سے نصف شب کے درمیان ہوں گے۔ اس کے ساتھ خلیجی، پاپ، کلاسک، عالمی اور دیگر مشہور گانے اور موسیقی بھی پیش کی جائے گی۔ ہر شو3 منٹ کا ہوگا اور یہ شوہر 30 منٹ بعد دکھا جائے گا۔ی اد رہے کہ اس وقت دبئی مال کا دبئی فاؤنٹین دنیا کا سب سے بڑا فوارہ مانا جاتا ہے تاہم پام فاؤنٹین کے افتتاح کے بعد یہ دوسرے نمبر پرآگیا ہے۔
