قاہرہ۔مصر کے ساحلی شہر سکندریہ کے ایک خانگی دواخانے میں آگ لگنے سے کورونا کے 7 مریض ہلاک ہوگئے۔ دواخانہ کے7کارکن اورکئی لوگ جھلس گئے۔مصری جریدے الیوم السابع کے مطابق سکندریہ سیکیورٹی کے ڈائریکٹر میجر جنرل سامی غنیم نے کہا کہ شہری دفاع کی ٹیموں نے دواخانہ میں لگی آگ پر قابو پالیا۔ ہسپتال سکندر کے بشر علاقے کی ایک رہائشی عمارت میں واقع تھا۔ مریضوں کو دیگر دواخانوں میں منتقل کردیا گیا۔ابتدائی تحقیقات سے پتہ چلا کہ آگ شارٹ سرکٹ کی وجہ سے لگی۔7 افراد کی موت دم گھٹنے کی وجہ سے ہوئی ہے۔دواخانے کے انتظامی عملے کے7 افراد جھلس گئے۔