کراچی ۔ 15 جون (سیاست ڈاٹ کام) پاکستانی کرکٹ ٹیم کے فاسٹ باؤلر وہاب ریاض کا کہنا ہے کہ دورہ انگلینڈ کے حوالے سے بہت پرجوش ہوں،اور غیر معمولی حالات کی وجہ سے بریک سے واپس آیا ہوں۔وہاب ریاض نے ویڈیو لنک کے ذریعے پریس کانفرنس کرتے ہوئے کہا کہ مجھ سے ٹسٹ کرکٹ میں دستیابی کا پوچھا گیا تو میں نے ہاں کی، غیرمعمولی حالات ہیں میری ترجیح پاکستان کے طرف سے کھیلنا ہے۔انہوں نے کہا کہ مجھے خوشی ہے کہ میں ٹیم کا حصہ ہوں اور ہر فارمیٹ کے لیے دستیاب ہوں۔