کراچی۔11 ستمبر (سیاست ڈاٹ کام ) سری لنکائی ٹیم کے 10 کھلاڑیوں کے نام واپس لینے کے بعد سری لنکا کا پاکستان کا دورہ برف دان کی نذر میں پڑتا نظرآرہا ہے۔ اس سے پاکستان کے ملک میں کرکٹ کی واپسی کی کوششوں کو جھٹکا لگ سکتا ہے۔ سال 2009 میں سری لنکائی ٹیم کے پاکستان دورے پردہشت گرد حملہ ہوا تھا۔ تب قدافی اسٹیڈیم کے باہربم دھماکے میں سری لنکا کے کئی کھلاڑی زخمی ہوگئے تھے۔ اس دہشت گرد واقعہ کے بعد سے ہی کرکٹ دنیا کی بڑی ٹیموں نے پاکستان دورے کا بائیکاٹ کرنا شروع کردیا تھا۔ حال ہی میں سری لنکا نے پاکستان کا دورہ کرنے کیلئے اتفاق ظاہرکیا تھا حالانکہ جب کھلاڑیوں سے اس بارے میں بات کی گئی توٹیم کے 10 کھلاڑیوں نے اپنی عدم دستیابی ظاہر کردی۔ اس کے بعد پاکستان نے اسے ہندوستان کی سازش قراردیا ہے۔ سری لنکا کا پاکستان دورہ مشکل میں پڑتا ہوا دیکھ کرپاکستان کے سائنس اورٹکنالوجی کے وزیرچودھری فواد حسین نے ہندوستان پرپرسری لنکائی کھلاڑیوں کو دھمکی دے کر پاکستان کا دورہ کرنے سے روکنے کا الزام عائد کیا ہے۔پاکستان کے وزیرفواد حسین نے اپنے ٹوئٹرہینڈل پرلکھا ہیکہ کچھ کھیل کمینٹیٹروں نے بتایا ہیکہ ہندوستان نے کچھ سری لنکائی کھلاڑیوں کودھمکی دی ہیکہ یا تووہ پاکستان دورے سے نام واپس لے لیں یا پھران کا آئی پی ایل معاہدہ منسوخ کردیا جائیگا۔ یہ انتہائی گھٹیا حرکت ہے۔
