بنگلورو : کرناٹک ہائیکورٹ نے فیصلہ دیا ہے کہ دوسری بیوی شوہر کے خلاف ظلم کی شکایت نہیں کرسکتی ۔عدالت ایک معاملہ میں نچلی عدالت کے فیصلہ کو کالعدم قرار دیتے ہوئے شوہر کوبری کردیا ۔ جسٹس ایس رچایا کی سنگل بنچ نے اپنے حالیہ فیصلہ میں کہا کہ دوسری بیوی کی طرف سے شوہر اور اس کے سسرال والوں کے خلاف دائر کی گئی شکایت قابل سماعت نہیں ہے ۔ہائیکورٹ نے کہا کہ شایت کرنے والی خاتون ملزم کی دوسری بیوی ہے لہذا آئی پی سی سیکشن 498 اے ( شادی شدہ عورت کے ساتھ ظلم ) کے تحت ملزم کی سزا کو ایک طرف رکھا جاتا ہے کیونکہ ان کی شادی قانونی نہیں ہے ۔
