ریاض: سعودی عرب کے دو خلا بازوں ریانہ برناوی اور علی القرنی کا انٹرنیشنل اسپیس سنٹر کا مشن جاری ہے۔ اسی تناظر میں سعودی عرب نے اپنے 9 ہزار طلبہ کیلئے دو خلا بازوں سے براہ راست استفادہ کرنے کا موقع فراہم کرنے کی تیاری کی ہے۔ یہ طلبہ زمین پر رہ کر خلا سے متعلق سائنسی تجربات سے آگاہ ہوں گے اور ان میں شرکت کریں گے۔طلبہ مختلف اوقات میں 3 سائنسی تجربات سے گزریں گے۔ ہر تجربے میں مخصوص تعلیمی مرحلہ کے طلبہ شرکت کریں گے۔ سب سے پہلے پرائمری مرحلہ سے اوپر کے درجات کے طلبہ کیلئے لیکوئڈ کلر ڈفیوڑن کا تجربہ پیش کیا جائے گا۔ اس کے بعد مڈل اسکول کے طلبے کیلئے خلائی پتنگوں کا تجربہ منعقد کیا جائے گا۔
