واشنگٹن : امریکی وزیر خارجہ انٹونی بلنکن نے کہا ہے کہ اسرائیل۔ فلسطین تنازعے کے دو ریاستی حل تک رسائی کے بغیر عرب ممالک غزہ کی تعمیر نو میں دلچسپی نہیں لیں گے۔بلنکن نے ٹی وی چینل پر اسرائیل۔فلسطین کے موضوع پر خیالات کا اظہار کیا۔ بلنکن نے کہا کہ ماضی کے مقابلے میں عرب ممالک کا نظریہ کافی تبدیل ہو چکا ہے،وہ سلامتی کے حوالے سے اپنے تحفظات کے دفاع میں اسرائیل کا علاقے میں وجود تسلیم کرنا چاہتے ہیں لیکن فلسطینی ریاست کے قیام کیلئے بھی اْن کا نظریہ واضح ہے اور جانتے ہیں کہ اس کے بغیر خطے میں امن قائم نہیں ہوگا۔ بلنکن نے اس بات کی ضرورت پر زور دیا کہ سعودی عرب سمیت دیگرعرب ممالک اسرائیل کے ساتھ تعلقات میں پیش رفت کے خواہاں ہیں مگر اس کیلئے دو ریاستی نظریئے کو انجام تک پہنچانا لازمی ہے۔