حیدرآباد 10/نومبر (یواین آئی) ضلع کھمم کی ایک دکان میں تیز رفتاربائیک گھس پڑی۔یہ واقعہ کپڑوں کی دکان میں پیش آیا۔اس حادثہ میں دکان میں موجود گاہک خوفزدہ ہوگئے ۔وہ نہیں سمجھ پائے کہ اچانک کیا ہوگیا۔اس حادثہ کے وقت دکان میں دوخواتین اور ایک شخص تھاتاہم کوئی بھی زخمی نہیں ہوا۔بائیک سوار دکان کے کاونٹر کے قریب گرگیاتاہم وہ بھی زخمی نہیں ہوا۔حادثہ کی وجہ تیز رفتاری بتائی جارہی ہے ۔بائیک سوار نوجوان نے سڑک پر گاڑی چلانے کے دوران توازن کھودیا جس کے نتیجہ میں یہ حادثہ پیش آیا۔اطلاع ملتے ہی پولیس وہاں پہنچی جس نے بائیک کو ضبط کرلیا۔پولیس نے شبہ ظاہر کیا کہ بریکس فیل ہوجانے کے نتیجہ میں یہ حادثہ پیش آیا۔پولیس نے اس سلسلہ میں ایک معاملہ درج کرلیا۔
