نئی دہلی 29مارچ (سیاست ڈاٹ کام )پٹرولیم اورقدرتی گیس کے وزیر دھرمیندر پردھان نے ایک ماہ کی تنخواہ وزیراعظم کے قومی راحت فنڈ میں دی ہے ۔پٹرولیم اورقدرتی گیس کی وزارت نے اتوار کو بتایاکہ کورونا وائرس ’ کووڈ ۔19‘سے نمٹنے میں اپنا تعاون دیتے ہوئے پردھان نے اپنی ایک ماہ کی تنخواہ عطیہ کے طور پر دی ہے ۔وزیرموصوف نے ایک ٹویٹ میں کہا،‘‘ اس مشکل گھڑی میں ہمیں سب زیادہ ضرورت مندوں کے ساتھ رہنا چایئے۔کووڈ 19 وبا کے مدنظر میں نے اپنی ایک ماہ کی تنخواہ وزیراعظم قومی راحت فنڈمیں عطیہ کیاہے اور ایم پی فنڈ سے ایک کروڑ روپئے جاری کیے ہیں جو محروم لوگوں کے چہروں پر مسکراہٹ لانے میں مددگار ہونگے ‘‘۔
