ممبئی، 3 فروری (آئی اے این ایس) فلم دھرندرکے فلم سازوں نے اس کے سیکوئل کا عنوان دھرندر: دی ریونج رکھنے کا اعلان کردیا ہے۔ نام کے اعلان کے ساتھ ایک نیا پوسٹر بھی جاری کیاگیا ہے، جو اس ہائی آکٹین بلاک بسٹر فرنچائز کے اگلے باب کی جھلک پیش کرتا ہے۔ رنویر سنگھ نے انسٹاگرام پرگہرے، پراسرار سرخ رنگوں میں ڈوبا ہوا پوسٹر شائع کیا، جو فوراً ہی ایک فضا قائم کرچکا ہے۔ پوسٹر کے مرکز میں رنویر بارش میں بھیگے کھڑے ہیں اور سخت، بے خوف انداز میں سامنے دیکھ رہے ہیں۔ ان کے پیچھے خون آلود سرخ دیوار پرکندہ الفاظ دی ریونج کسی انتباہ کی طرح نمایاں ہیں۔ پوسٹر کے اوپر واضح طور پر تاریخ 19.03.26 درج ہے، جو فلم کی ریلیز کی ریلیز کی تاریخ ہے۔ پوسٹر آنے والے باب کو پہلے سے کہیں زیادہ تاریک اور شدید ہونے کا اشارہ دیتا ہے۔ پوسٹر کے کیپشن میں رنویر نے لکھا اب بگڑنے کا وقت آگیا ہے۔ دھرندر: دی ریونج کا ٹیزر آج جاری ہوا۔ فلم دنیا بھرکے سینما گھروں میں 19 مارچ 2026 کو ہندی، تیلگو، تمل، کنڑ اور ملیالم زبانوں میں ریلیز ہوگی۔ دھرندر میں آر۔ مادھون، اکشے کھنہ، سنجے دت اور ارجن رامپال بھی اداکاری کر رہے ہیں۔ یہ دو حصوں پر مشتمل فلم ہے اور سیریزکی پہلی قسط ، جس کی کہانی ایک انتہائی خفیہ انسدادِ دہشت گردی آپریشن کے گرد گھومتی ہے۔ فلم ایک خفیہ ہندوستانی انٹیلی جنس ایجنٹ کی کہانی بیان کرتی ہے جو پاکستان میں کراچی کے جرائم پیشہ نیٹ ورکس اور سیاسی طاقت کے ڈھانچوں میں سرایت کرتا ہے، تاکہ ہندوستان کو نشانہ بنانے والے دہشت گرد نیٹ ورک کو ختم کیا جا سکے۔ فلم کی کہانی جنوبی ایشیا کے متعدد حقیقی جغرافیائی و سیاسی واقعات سے جزوی طور پر متاثر ہے، جن میں1999 کا آئی سی814 طیارہ اغوا، 2001 میں ہندوستانی پارلیمنٹ پر حملہ، 2008 کے ممبئی حملے اور پاکستان کے آپریشن لیاری سے متعلق پیش رفت شامل ہیں۔ ہدایت کار آدتیہ دھر اور رنویر سنگھ نے پیر کے روز ٹیزرکے حوالے سے جوش و خروش بڑھاتے ہوئے انسٹاگرام پر محض یہ لکھا: 12:12۔ دھرندر 2 کی کہانی حمزہ علی مزہری سے آگے بڑھتی ہے، جو ایک ہندوستانی خفیہ ایجنٹ ہے ۔
