بیجنگ : چین کے صدرژی جن پنگ نے خبردار کیا ہے کہ کسی نیتنگ کرنے کی کوشش کی تو ان کے سر دیوار چین سے ٹکرائے جائیں گے۔کمیونسٹ پارٹی کی صدسالہ جشن کے موقع پر صدرژی جن پنگ نے قوم سے خطاب میں کہا کہ چینی عوام انصاف کرتے ہیں مگر تشدد سے نہیں ڈرتے،چین نے کبھی کسی دوسرے قوموں کا استحصال نہیں کیا اور کبھی دیگر ممالک کے عوام کو غلام نہیں بنایا چین مستقبل میں بھی کسی کا استحصال نہ کرنے کی پالیسی پر کارفرما رہے گا۔صدر ژی جن پنگ نے کہا کہ چین کسی بیرونی طاقت کو بھی چینیوں کو تنگ کرنے کی اجازت نہیں دیگا کسی نے تنگ کرنے کی کوشش کی تو ان کے سر دیوار چین سے ٹکرائے جائیں گے۔انہوں نے کہا کہ چین کو اب کوئی ڈرا دھمکا نہیں سکتااگر کوئی بھی اس کی جسارت کرنے کی ہمت کرتا ہے، تو اس کے سر کو اس آہنی دیوار سے ٹکرا کر چکنا چور کر دیا جائے گا، جسے چین کے ایک ارب چالیس کروڑ لوگوں نے تعمیر کیا ہے۔چینی صدر نے کہا کہ وہ دور ہمیشہ کے لیے ختم ہو چکا ہے جب چینیوں کو قتل کیا یا پھر ڈرایا دھمکایا جاتا تھا،چینی قوم کی نئی عظیم الشان زندگی اس تاریخی شاہراہ پر رواں دواں ہے جس کو واپس کرنا ممکن نہیں ہے۔ژی جن پنگ نے وارننگ دیتے ہوئے کہا کہ اگر غیرملکی طاقتیں چین کو دھمکانے یا متاثر کرنے کی کوشش کرتی ہیں تو انہیں پلٹ کر کرارا جواب دیا جائے گا۔صدر ژی جن پنگ نے جمعرات کو حکمراں کمیونسٹ پارٹی کے صدی سال کے موقع پرمنعقدہ ایک پروگرام میں جوشیلی تقریر کرتے ہوئے یہ بات کہی۔ بی بی سی کی رپورٹ کے مطابق مسٹر جنپنگ نے مزیدکہا کہ چین کسی بھی ملک کو اپنے بارے میں کسی بھی طرح کے ‘پوتر اپدیش’ کی اجازت نہیں دے گا۔ اسے وسیع پیمانہ پر امریکہ کے لئے سمجھا جارہا ہے ۔انہوں نے یہ بیان ایسے وقت دیا جب چین کو مبینہ طورپر انسانی حقوق کی خلاف ورزی اور ہانگ کانگ میں اس کی کارروائی، خاص طورپر جمہوریت حامی کارکنو ں کے خلاف کئے گئے اقدامات کی وسیع پیمانہ پر تنقید کا سامنا کرنا پڑ رہا ہے ۔حالیہ دنوں میں تجارت، جاسوسی اور کورونا وبا پر امریکہ اور چین کے مابین تعلقات میں زوردار گراوٹ آئی ہے ۔تائیوان کا مسئلہ بھی دونوں ممالک کے مابین تناو کی ایک اہم وجہ ہے جہاں تا ئیوان خود کو امریکی حمایت یافتہ ایک خودمختار ریاست کے طورپر دیکھتا ہے جبکہ چین اسے اپنے ایک الگ صوبہ کے طورپر دیکھتا ہے ۔ امریکی قوانین کے مطابق اگر چین اس جزیرہ کو واپس لینے کے لئے طاقت کا استعمال کرتا ہے تو امریکہ کوتائیوان کو اس کی حفاظت کے لئے وسائل فراہم کرنے کی ضرورت ہے ۔جن پنگنے کہاکہ چین تائیوان کو اپنی زمین کے ساتھ جوڑے رکھنے کیلئے ایک ‘اٹل عزم’رکھتا ہے ۔ انہوں نے کہا کہ کسی کو بھی ہماری صلاحیت پر غلط فہمی میں نہیں رہنا چاہئے اور چینی لوگ اپنی قومی خودمختاری اور علاقائی شناخت کا دفاع کرنے کی صلاحیت رکھتے ہیں۔آج صبح اس صدی تقریب پروگرام میں فوجی جیٹ فلائی پاسٹ اور توپوں کی سلامی کا انعقاد ہوا اورحب الوطنی کے نغمے بجائے گا۔ یہ پروگرام بیجنگ کے تیانمین اسکوائر میں منعقد کیا گیا جہاں لوگوں کی بہت زیادہ بھیڑ تھی اور بیشتر لوگ بغیر ماسک لگائے آئے ہوئے تھے ۔
