نئی دہلی ۔21 ستمبر (سیاست ڈاٹ کام ) ہندوستانی ٹیم کے سابق کپتان سنیل گواسکر نے کہا ہے کہ اگلے سال آسٹریلیا میں ورلڈ ٹی 20 کو دیکھتے ہوئے ہندوستانی کرکٹ کے لیے اب مہندر سنگھ دھونی سے آگے کے بارے میں سوچنے اور نوجوانوں کو موقع دینے کا وقت آگیا ہے حالانکہ پنت پرکافی بحث چل رہی ہے کیونکہ وہ اب تک ملے مواقع کا فائدہ نہیں اٹھا پا رہے ہیں، لیکن اگلے سال ہونے والے ورلڈ ٹی 20 کے لیے وہ گواسکر کی پہلی پسند ہیں۔ یہ پوچھنے پر کہ دھونی کو بنگلہ دیش کے دورے کے لئے منتخب کیا جانا چاہئے تو گواسکر نے کہاک ہمیں ان سے آگے دیکھنے کی ضرورت ہے۔
