کولکاتہ ۔8 ڈسمبر ( سیاست ڈاٹ کام ) بی سی سی آئی کے صدر سوروگنگولی نے کہا ہے کہ مہندر سنگھ دھونی نے اپنے کیریئر میں جو کچھ حاصل کیا ہے، اس کی برابری کرنے میں نوجوان وکٹ کیپر رشبھ پنت کو 15 سال لگ جائیں گے۔ گنگولی نے اگرچہ خراب دور سے گزر رہے پنت کی حمایت کی ہے اور کہا ہے کہ وہ تنقید سے سبق لیتے ہوئے آگے بڑھنے کی کوشش کریں۔گنگولی کے مطابق خراب دور میں پنت کو دھونی ۔ دھونی جیسے نعرے بھی سنائی دیں گے لیکن انہیں نظر انداز کرنا پڑے گا۔ گنگولی نے کہا کہ دباو اور چیلنجز پنت کے لئے بہترین حل ہیں، انہیں ان سے سیکھنے کو ملے گا۔ گنگولی نے یہ بھی کہا کہ ہندوستانی کرکٹ کو دھونی کی خدمات کے لیے شکریہ ادا کرنا چاہئے۔ گنگولی نے یہ بھی کہا کہ دھونی نے جو حاصل کیا ہے، اس کے حاصل کرنے میں پنت کو 15 سال لگ جائیں گے۔بقول گنگولی دھونی نے ہندوستانی کرکٹ کے لئے جو کچھ کیا ہے، اس کے عوض ہم صرف شکریہ کہہ کر ادا نہیں کرسکتے، ہم اس سلسلے میں غورکر رہے ہیں۔ ہم کوہلی اور سلیکٹروں سے بات کر رہے ہیں اور دھونی کے مستقبل پر صحیح وقت پر فیصلہ کریں گے۔
