نئی دہلی۔آسٹریلیا کے سابق آل راؤنڈر اور چینائی سوپرکنگز کے اوپنر شین واٹسن نے دعوی کیا ہے کہ کپتان مہندر سنگھ دھونی اپنی عمرکی40 کی دہائی تک کرکٹ کھیلتے رہیں گے ۔یہ انتخاب دھونی کا ہوگا کہ وہ آئی پی ایل کھیلیں گے یا بین الاقوامی کرکٹ ۔چینائی سوپر کنگز کے کپتان ایم ایس دھونی ایک طرف آئی پی ایل کے13 ویں سیزن میں شرکت کے لئے زور وشور سے تیاری کر رہے ہیں اور دوسری طرف ان کے کرکٹ کیریئر کے بارے میں طرح طرح کی باتیں کی جارہی ہیں۔ ٹیم کے سی ای او نے کہا کہ انہیں امید ہے کہ دھونی2022 تک یقینی طور پر کھیلیں گے ، جبکہ اب دھونی کے ساتھی کھلاڑی اور ٹیم کے اوپنر شین واٹسن نے کہا ہے کہ دھونی کب تک کرکٹ کھیل سکتے ہیں۔ایم ایس دھونی کی عمر39 سال ہے لیکن شین واٹسن کا خیال ہے کہ ان کے لئے یہ صرف ایک ہندسہ ہے ۔ واٹسن کو امید ہے کہ وہ 40 کی دہائی میں بھی کھیل سکتے ہیں۔ ونڈے ورلڈ کپ کے بعد سے دھونی کرکٹ کے میدان سے دور ہیں اور وہ19 ستمبر سیامارات میں کے میدان میں نظر آئیں گے ۔
