بی جے پی کے چھوٹے لیڈر چھوٹا اور بڑے لیڈر بڑا جھوٹ بولتے ہیں
بلیا:سماج وادی پارٹی صدر اکھلیش یادو نے بی جے پی حکومت پر لوگوں کودھوکہ دینے کا الزام لگاتے ہوئے کہا کہ موجودہ اسمبلی انتخابات’بلیا بنام چھلیا‘(دھوکہ دھڑی کرنے والا)کا ہے اوریہاں کی عوام دھوکہ دینے والی حکومت کو اکھاڑ پھینکیں گے ۔پھیپھنا حلقے کے گرام کٹریا میں کارکن سمیلن سے خطاب کرتے ہوئے اکھلیش یادو نے منگل کو کہا کہ بی جے پی نے عوام کو دھوکہ دیا ہے ۔ اس نے وقت وقت پر چھل کیا ہے ۔ یہ الیکشن دھوکہ دہی کرنے والوں اور بلیا کے درمیان دکھائی دے رہا ہے ۔ انقلابیوں کی یہ سرزمین بلیا کے لوگ اپنی طاقت سے اس حکومت کو دھول چٹانے کا کام کریں گے۔انہوں نے کہا کہ پیر کو وزیر اعظم نریندر مودی کی تقریر لوگوں نے سنا ہوگا۔ اب تو بی جے پی کے اتحادی بھی جان چکے ہیں کہ بی جے پی کے لوگ جھوٹ بولتے ہیں۔ چھوٹے لیڈر چھوٹا جھوٹ بولتے ہیں اور بڑے لیڈر بڑا جھوٹ بولتے ہیں اور سب سے بڑا لیڈر سب سے بڑا جھوٹ بولتا ہے ۔ کسانوں کی آمدنی دوگنی کرنے کا وعدہ جھوٹا نکلا جبکہ نوجوانوں کو روزگار نہیں ملا۔ کسانوں کو کھاد ڈی اے پی کے لئے ترسنا پڑا۔ خرید مرکز پر اس کی دھان کی فصل خریدی نہیں گئی۔ کسانوں کی لوٹ ہوگئی۔ کھاد کی بوری سے پانچ کلو کھاد چوری ہوگئی۔ پتہ نہیں بی جے پی والے چوری کہاں سے سیکھ کر آئے ہیں۔مسٹر یادو نے دعوی کیا کہ موجودہ الیکشن میں ایس پی کا تحاد 300سے زیادہ سیٹیں جیت کر مکمل اکثریت کی حکومت بنائے گا۔ حکومت آنے پر کسانوں، نوجوانوں کے مسائل کو ترجیحی بنیادوں پر حل کیا جائے گا۔