نئی دہلی، 2 نومبر (سیاست ڈاٹ کام)وزیر دفاع راجناتھ سنگھ نے آج کہا ہے کہ دہشت گردی اور اس کی حمایت کرنے والوں سے مقابلے کے لئے موجودہ بین الاقوامی قوانین اور نظام کو بغیر کسی استثنا کو مضبوط کرنے کی ضرورت ہے اور اس معاملے میں کسی بھی طرح کا دوہرا معیار نہیں اپنایا جانا چاہئے۔ راجناتھ نے ازبکستان کے دارالحکومت تاشقند میں شنگھائی تعاون کونسل (ایس سی او) کے رکن ممالک کے سربراہوں کی کونسل کی 18ویں میٹنگ میں وزیراعظم نریندر مودی کے نمائندہ کے طور پر کہا کہ ‘‘دہشت گردی ہمارے سماج میں مسلسل امن بگاڑ رہے ہیں اور ترقی کی کوششوں میں مشکلات پیدا کررہے ہیں۔ ایس سی او ممالک کے لئے ضروری ہے کہ وہ اس مسئلہ سے نمٹنے کے لئے متحد ہوں۔’’ وزیر دفاع نے پرزور انداز میں کہا کہ عالم کاری کے عمل نے رکن ممالک کے لئے ترقی کے مواقع فراہم کئے ہیں لیکن اس کے ساتھ ہی ترقی پذیر ممالک کے لئے کئی مشکلات بھی پیدا ہوئے ہیں۔ انہوں نے رکن ممالک سے اپیل کی کہ وہ دہشت گردی، آب وہوا میں تبدیلی، غریبی کا خاتمہ، پسماندگی، مرض اور عدم برابری جیسے چیلنجوں سے نمٹنے کے لئے مل کر کام کریں۔ انہوںنے کہا کہ ‘‘میرا ماننا ہے کہ یہ میٹنگ ہمارے مشترکہ اہداف اور مقاصد کے حصول کے سمت میں ٹھوس ا قدام اٹھانے کا موقع فراہم کرے گا۔اس طرح ایس سی او کی یہ میٹنگ بے حد اہم ہے ۔ انہوںنے بین الاقوامی دہشت گردی سے نمٹنے کے لئے ایس سی او کے رکن ممالک کے مشترکہ فوجی مشق سنٹر 2019ء کے کامیاب انعقاد کے لئے روس کو مبارکباد دی۔
