پلوامہ حملے پر سوال اٹھانے والوں کو پاکستان کے قبول نامہ نے بے نقاب کر دیا: وزیر اعظم نریندرمودی
کیوڑیا۔ وزیر اعظم نریندر مودی نے ہفتہ کے روز گجرات کے کیوڑیا میں اسٹیچو آف یونٹی پہنچ کر سردار ولبھ بھائی پٹیل کو ان کی سالگرہ پر خراج عقیدت پیش کیا۔ اس دوران وزیر اعظم مودی نے سردار ولبھ بھائی پٹیل کی سالگرہ پر ‘ راشٹریہ ایکتا دیوس ‘ پریڈ کی سلامی لی۔ مودی نے اپنے خطاب میں پلوامہ دہشت گردانہ حملے کو لے کر سوال اٹھا رہی اپوزیشن پارٹیوں پر شدید تنقید کی۔وزیر اعظم نریندر مودی نے اپنے خطاب میں پچھلے سال ہوئے پلوامہ حملے کا ذکر کرتے ہوئے کہا کہ ملک کبھی بھول نہیں سکتا کہ جب ملک کے بہادر جوانوں کے شہید ہونے سے پورا ملک دکھی تھا تب کچھ لوگ اس دکھ میں شامل نہیں تھے۔ وہ اس میں بھی اپنا مفاد دیکھ رہے تھے۔ ملک بھول نہیں سکتا کہ تب کیسی کیسی باتیں کی گئیں۔ کیسے کیسے بیان دئیے گئے۔ ملک بھول نہیں سکتا کہ جب ملک پر اتنا بڑا زخم لگا تھا تب مفاد کی سیاست عروج پر تھی۔وزیر اعظم نے کہا کہ اس وقت ان بہادروں کی طرف دیکھتے ہوئے وہ تنازعات سے دور رہتے ہوئے سارے الزامات کو جھیلتے رہے۔ ان کے دل پر بہادر شہیدوں کا گہرا زخم تھا لیکن پچھلے دنوں پڑوسی ملک سے جو خبریں آئی ہیں، جس پر وہاں کی پارلیمنٹ میں سچ کو قبول کیا گیا، اس نے ان لوگوں کے اصلی چہروں کو ملک کے سامنے لا دیا۔ حملے کے بعد کی گئی سیاست اس کی بہت بڑی مثال ہے کہ کیسے مفاد کی سیاست عروج پر جا سکتی ہے۔وزیر اعظم مودی نے کہا’ ہمیں یہ ہمیشہ یاد رکھنا ہے کہ ہم سبھی کے لئے سب سے بڑا مفاد ملک کا مفاد ہے۔ جب ہم سب ملک کا مفاد سوچیں گے، تبھی ہماری ترقی ہوگی اور عروج ہو گا’۔ وزیر اعظم نے اس موقع پر ایسی سیاسی پارٹیوں سے اپیل کی کہ وہ ملک کی حفاظت کے مفاد میں، ہماری سیکورٹی جوانوں کے حوصلے کے لئے، برائے مہربانی ایسی سیاست نہ کریں، ایسی چیزوں سے بچیں۔ اپنے مفاد کے لئے، جانے انجانے آپ ملک مخالف طاقتوں کے ہاتھوں میں کھیل کر نہ وہ ملک کا فائدہ کر پائیں گے اور نہ ہی اپنی پارٹی کا۔وزیر اعظم نے کہا کہ ترقی کی ان کوششوں کے درمیان کئی ایسے چیلنجز بھی ہیں جس کا سامنا آج ہند وستان اور پوری دنیا کر رہی ہے۔ پچھلے کچھ وقتوں سے دنیا کے کئی ملکوں میں جو حالات بنے ہیں، جس طرح سے کچھ لوگ دہشت گردی کی حمایت میں کھل کر سامنے آ گئے ہیں، وہ آج تشویش کا موضوع ہے۔ وزیر اعٌن نے کہا کہ دہشت گردی کو بڑھاوا دینے والی طاقتوں کے خلاف ملک و قوم کو متحدہونے کی ضرورت ہے۔گجرات کے کیوڑیا میں سردار پٹیل کے145ویں یوم پیدائش پر تقریب سے خطاب کرتے ہوئے مودی نے کہا کہ دنیا کی تمام حکومتوں‘قوموں اور مذاہب کو دہشت گردی کے خلاف متحدہ ہونے کی اشد ضرورت ہے ۔ساری دنیا کو ان طاقتوں کو شکست دینے کیلئے متحدہ ہونے چاہئے جو دہشت گردی کو بڑھاوا دے رہی ہیں۔