سابقہ حکومتوں میں عوام خود کو غیر محفوظ تصور کرتے تھے ۔ لیڈرشپ سمٹ سے خطاب
نئی دہلی : کے وزیر اعظم نریندر مودی نے آج کہا کہ اب دہشت گرد اپنے گھروں میں بھی محفوظ محسوس نہیں کر رہے، جب کہ پچھلی حکومتوں کے دور میں دہشت گردی کی وجہ سے لوگ خود کو غیر محفوظ محسوس کرتے تھے۔دہلی میں ہندوستان ٹائمز لیڈرشپ سمٹ سے خطاب کرتے ہوئے وزیراعظم نے کہا کہ وقت بدل گیا ہے۔مودی نے کہا کہ انہوں نے تقریب میں منعقدہ ایک نمائش میں 26/11 کے ممبئی دہشت گردانہ حملے کی خبریں دیکھیں۔انہوں نے کہاکہ اس وقت ہندوستان کے لوگ دہشت گردی کی وجہ سے غیر محفوظ محسوس کرتے تھے، لیکن اب وقت بدل گیا ہے اور اب دہشت گرد اپنے گھروں میں بھی محفوظ محسوس نہیں کر پاتے۔وزیر اعظم نے کہا کہ نمائش میں انہوں نے کشمیر کے ہندوستان سے الحاق کی پرانی خبریں دیکھی اور وہی جوش محسوس کیا جو اکتوبر 1947 میں ملک کے لوگوں نے محسوس کیا تھا۔انہوں نے کہاکہ اس لمحے میں نے محسوس کیا کہ کس طرح غیر فیصلہ کن حالات نے کشمیر کو سات دہائیوں تک تشدد میں لپیٹ میں لے لیا۔مودی نے کہا کہ یہ خوشی کی بات ہے کہ جموں و کشمیر میں ہونے والے حالیہ انتخابات میں ریکارڈ ووٹنگ کی خبریں اخبارات میں شائع ہو رہی ہیں۔جمعہ کو یہاں منعقد ہونے والے پہلے بوڈولینڈ مہوتسو کا حوالہ دیتے ہوئے وزیراعظم نے کہا کہ یہ ایک بڑی کامیابی ہے کہ نوجوانوں اور لوگوں نے پانچ دہائیوں کے بعد تشدد ترک کر دیا ہے اور دہلی میں ایک ثقافتی پروگرام میں شرکت کر رہے ہیں۔انہوں نے کہا کہ 2020 کے بوڈو امن معاہدے کے بعد لوگوں کی زندگیاں بدل گئی ہیں۔.
وزیر اعظم مودی تین ممالک کے دورہ پر روانہ
نئی دہلی :وزیر اعظم نریندر مودی جی -20 سربراہ اجلاس میں شرکت کیلئے آج برازیل، نائیجیریا اور گیانا کے پانچ روزہ دورے پر روانہ ہو گئے ۔ ایک خصوصی پرواز میں پالم ایئر بیس سے روانگی سے پہلے اپنے بیان میں مودی نے جی-20 سربراہی اجلاس پر گلوبل ساؤتھ کی ترجیحات اور ‘ایک زمین، ایک کنبہ، ایک مستقبل’ کے ہندوستان کے وژن کو ذہن میں رکھتے ہوئے معنی خیز انداز میں تبادلہ خیال کی امید کا اظہار کیا۔ مودی نے کہاکہ میں نائجیریا، برازیل اور گیانا کے پانچ روزہ دورے پر جا رہا ہوں۔ صدر بولا احمد ٹینوبو کی دعوت پر یہ نائیجیریا کا میرا پہلا دورہ ہو گا، جو مغربی افریقی خطے میں ہمارا قریبی ساتھی ہے ۔ میرا دورہ ہماری حکمت عملی شراکت داری کو آگے بڑھانے کا ایک موقع ہو گا جو جمہوریت اور تکثیریت میں مشترکہ یقین پر مبنی ہے ۔ میں ہندوستانی برادری اور نائجیریا کے دوستوں سے ملنے کا بھی منتظر ہوں جنہوں نے مجھے ہندی میں گرمجوشی سے خیرمقدم کے پیغامات بھیجے ہیں۔ مودی نے کہا کہ برازیل میں میں 19ویں جی-20 چوٹی کانفرنس میں بطور حقیقی کا رکن شرکت کروں گا۔ پچھلے سال ہندوستان کی کامیاب صدارت نے جی-20 کو لوگوں کے جی-20 کی شکل میں اوپر اٹھایا اور گلوبل ساؤتھ کی ترجیحات کو اپنے ایجنڈے میں مرکزی دھارے میں شامل کیا۔ اس سال برازیل نے ہندوستان کی وراثت کو آگے بڑھایا ہے ۔