نئی دہلی : دہلی کے اندرا گاندھی انٹرنیشنل ایئرپورٹ (آئی جی آئی ایئرپورٹ) پولیس اسٹیشن میں تعینات دو ہیڈ کانسٹیبلوں پر 50 لاکھ روپے کا سونا لوٹنے کا الزام ہے۔ اس کے بعد دونوں کو معطل کر دیا گیا ہے۔ پولیس معاملے کی جانچ کر رہی ہے اور جلد ہی اس معاملے میں گرفتاری عمل میں لائی جا سکتی ہے۔تفصیلات کے مطابق، دونوں ہیڈ کانسٹیبل دہلی ایئرپورٹ کے آئی جی آئی پولیس اسٹیشن کے اسپیشل آپریشن اسکواڈ میں تعینات تھے۔ جب دونوں پر 50 لاکھ روپے کا سونا لوٹنے کا الزام لگا تو پولیس افسران حرکت میں آگئے۔ دراصل مسقط اور قطر سے کچھ لوگ دہلی ایئرپورٹ پر آئے تھے۔ وہ مزدور ہیں جو مبینہ طور پر اپنے مالک کا سونا لائے تھے۔ الزام ہے کہ پولیس ٹیم نے انہیں روکا اور تفتیش کے نام پر ان کا سارا سونا لے گئے۔سونا لوٹنے کی اطلاع ملتے ہی پولیس عہدیدار حرکت میں آگئے۔اس واقعہ کے بعد مسافروں نے شکایت کی کہ پولیس نے سونا چھین لیا۔ جیسے ہی شکایت اعلیٰ حکام تک پہنچی، وہ حرکت میں آگئے۔
معاملہ لاکھوں روپئے مالیت کے سونے کی لوٹ کا تھا، اس لیے پولیس نے فوری طور پر اس کی تحقیقات شروع کردی۔ دونوں ہیڈ کانسٹیبلوں سے پولیس کے اعلیٰ حکام پوچھ گچھ کر رہے ہیں، تاکہ انہوں نے یہ سازش کیسے رچی، کس کے اکسانے پر انہوں نے یہ کام کیا۔جس کے بعد دونوں ہیڈ کانسٹیبلوں کو معطل کر کے ان کے خلاف مقدمہ درج کر لیا گیا۔ پولیس کو شبہ ہیکہ یہ سونا اسمگل کیا گیا ہے اور اس سلسلے میں تفتیش جاری ہے۔
