نئی دہلی: شمال مشرقی دہلی کے حالیہ تشدد کو لے کر پارلیمنٹ میں مہاتما گاندھی کے مجسمے کے قریب ترنمول کانگریس (ٹی ایم سی) کے ممبران پارلیمنٹ نے پیر کے دن آنکھوں پر پٹی باندھ کر خاموش احتجاج کیا۔
ٹی ایم سی کے ممبران پارلیمنٹن کو انکھوں پر کالی پٹی باندھے ہوئے دیکھا گیا اور حکومت کے خلاف احتجاج کرنے کے لئے انھوں نے ہونٹوں پر انگلیاں رکھیں۔
ٹی ایم سی کی رکن پارلیمنٹ مہووا موئترا جو بھی اس احتجاج کا حصہ تھی اس نے کہا کہ: “ہمارا احتجاج علامتی تھا۔ ہم آنکھوں پر یہ (کالا کپڑا) باندھ کر ہم یہ کہنا چاہتے تھے کہ یہ حکومت واقعتا اندھی ہے اور وہ پولیس بھی اندھی تھی جو کھڑے ہوکر تماشا دیکھ رہی تھی، ہم اپنے ہونٹوں پر انگلیاں لگاتے ہیں تاکہ یہ ظاہر کیا جاسکے کہ یہ حکومت خاموش ہے اور جب بات کرنی ہوتی ہے تو بات نہیں کرتی ہے۔
وزیر اعظم ہمیشہ من کی بات کرتے ہیں اور وزیر داخلہ ہر اس چیز کے بارے میں بات کرتے ہیں جس کا ان سے کچھ واسطہ نہیں۔ لیکن اس طرح کی کسی چیز کے لئے جیسے دہلی میں لوگوں نے اپنی جان گنوا دی وہ اسوقت باہر نہیں آئے ہیں۔ وہ واقعی میں اس ملک کو ناکام کر چکے ہیں۔ انہوں نے قومی اور بین الاقوامی سطح پر ہمیں ناکام کیا۔ یہ شرم کی بات ہے ، “انہوں نے اے این آئی کو بتایا کہ شمال مشرقی دہلی میں حال ہی میں ہونے والے تشدد میں کم از کم 46 افراد کی موت ہوچکی ہے۔
دہلی پولیس نے اسلحہ ایکٹ کے تحت 41 مقدمات سمیت 254 ایف آئی آر درج کی ہیں۔ زیادہ تر 903 افراد کو یا تو پولیس نے گرفتار یا حراست میں لیا ہے