حیدرآباد22مارچ(یواین آئی) بی آرایس کی رکن قانون ساز کونسل کے کویتا دہلی شراب اسکام میں انفورسمنٹ ڈائرکٹوریت ( ای ڈی )کی پوچھ تاچھ کے بعد دہلی سے حیدرآباد واپس ہوئیں۔ کویتا جو چیف منسٹر کے چندرشیکھرراو کی دختر ہیں، سے کل منگل کو تقریبا 10گھنٹوں تک ای ڈی نے پوچھ تاچھ کی تھی۔ اس پوچھ تاچھ کے ختم ہونے اور مزید پوچھ تاچھ کیلئے مرکزی ایجنسی کی جانب سے انہیں طلب نہ کئے جانے پر وہ اپنے بھائی و ریاستی وزیر تارک راما راو کے علاوہ اپنے دیگر ارکان خاندان کے ساتھ حیدرآباد واپس ہوگئیں۔ کویتا سے ای ڈی نے پیر کو بھی تقریباً دس گھنٹوں سے زیادہ وقت تک پوچھ تاچھ کی تھی ۔
