نئی دہلی: عام آدمی پارٹی کے معطل کونسلر طاہر حسین کو شمال مشرقی دہلی میں فروری 2020 کے فسادات کے سلسلے میں5 مقدمات میں ضمانت مل گئی ہے۔ دہلی ہائی کورٹ نے آج یہ فیصلہ دیا۔ تاہم فسادات کی سازش کے اہم کیس میں طاہر کو تاحال کوئی راحت نہیں مل سکی۔ باقی کیسز بھی اس پر چل رہے ہیں۔ ایسی حالت میں وہ جیل میں ہی رہیں گے۔ وہ فسادات میں فنڈنگ کیلئے منی لانڈرنگ کے مقدمے کا بھی سامنا کر رہے ہیںطاہر نے 2020 اور پھر 2021 میں ضمانت کی درخواست دائر کی۔ جسٹس انیش دیال نے اس معاملے میں 10 اپریل کو فیصلہ محفوظ رکھا تھا، جسے اب سنایا گیا ہے۔ طاہر کے وکیل رضوان کا دعویٰ ہیکہ ان مقدمات میں تمام شریک ملزمان کی ضمانتیں ہو چکی ہیں اور صرف طاہر جیل میں ہیں۔ طاہر حسین کے وکیل اور کانگریس لیڈر سلمان خورشید نے کہا کہ طاہر حسین کا نام گواہوں کے ابتدائی بیانات میں کہیں نہیں آیا۔