نئی دہلی: دہلی کی وزیر خزانہ آتشی نے کہا ہے کہ مرکزی حکومت کے ساتھ لڑائی کے بعد دہلی کے ایک لاکھ بزرگوں کو ان کی پنشن ملی جو پانچ ماہ سے التوا میں تھی۔آتشی نے جمعہ کو کہا کہ دہلی حکومت نے کل 90 ہزار بزرگوں کے کھاتوں میں پانچ ماہ کی پنشن بھیجی ہے اور باقی 10 ہزار پنشن آج جاری کر دی جائیں گی۔ انہوں نے کہا کہ اگر دہلی کے بزرگ کا بیٹا اروند کیجریوال جیل میں ہے تب بھی وہ بزرگوں کے حقوق کے لیے لڑنا نہیں چھوڑیں گے ۔ انہوں نے کہا کہ کیجریوال حکومت دہلی کے لوگوں کے کام نہیں رکنے دے گی، جس طرح انہوں نے بی جے پیکی حکمرانی والی مرکزی حکومت سے لڑ کر بزرگوں کو یہ پنشن حاصل کی تھی۔ انہوں نے کہا کہ اسی طرح انہیں دہلی کے رکے ہوئے کام بھی ملیں گے ۔ وزیر خزانہ نے کہا کہ دہلی کے چار لاکھ بزرگوں کو بڑھاپے کی پنشن ملتی ہے ۔ ان میں سے ایک لاکھ ایسی پنشن ہے ، جس کا کچھ حصہ دہلی حکومت اور کچھ مرکزی حکومت سے آتا ہے ۔ انہوں نے کہا کہ ان ایک لاکھ بزرگوں کو پنشن نہیں مل رہی ہے کیونکہ پنشن کا جو حصہ مرکزی حکومت سے آتا ہے ، مرکزی حکومت نے روک لیا ہے ۔
