دہلی میں فائرنگ کے الزام میں تین مسلم نوجوان گرفتار

نئی دہلی: دہلی پولیس نے سیلم پور علاقے میں ایک چھوٹی سی بات پر لڑائی کے بعد کھلے عام فائرنگ کرنے کے الزام میں تین نوجوانوں کو گرفتار کیا ہے، ایک اہلکار نے منگل کو بتایا۔ ملزمان کی شناخت عادل عرف راجہ (23 سالہ )، فیصل (23 سالہ ) اور اصغر عرف عارف (23سالہ ) کے طور پر کی گئی ہے، سبھی دہلی کے نیو سیلم پور کے جے بلاک کے رہنے والے ہیں، اور یہ واقعہ پیر کی دیر رات پیش آیا۔ پولیس اہلکار نے کہا ہے کہ ملزم کا ماضی میں کسی جرم میں ملوث نہیں تھا۔ ملزمان کے قبضے سے دو آتشیں اسلحہ برآمد ہوا۔ پولیس کے مطابق پیر کو رات 11 بجے سیلم پور تھانے میں لڑائی اور فائرنگ کے حوالے سے پولیس کنٹرول روم کی کال موصول ہوئی جس کے بعد پولیس کی ایک ٹیم موقع پر پہنچی۔ یہ پتہ چلا کہ کے بلاک کے اندر کئی نوجوان لڑائی میں مصروف تھے۔ وہ سب ایک دوسرے سے واقف تھے۔ بالآخر جھگڑا ختم ہو گیا، لیکن اس کے فوراً بعد، نوجوانوں کا ایک گروپ وہاں پہنچا اور عجلت میں جائے وقوعہ سے فرار ہونے سے پہلے فائرینگ کی۔ ایک سینئر پولیس اہلکار نے کہا بعد ازاں جائے وقوعہ سے دواستعمال شدہ کارتوس برآمد ہوئے اور اس واقعہ میں خوش قسمتی سے، کوئی زخمی نہیں ہوا.۔ دفعہ 336 (دوسروں کی جان یا ذاتی حفاظت کو خطرے میں ڈالنا)، 506 (مجرمانہ دھمکی)، 34 (مشترکہ ارادہ) اور 27 آرمس ایکٹ کے تحت مقدمہ درج کیا گیا۔ تین ملزمان کو گرفتار کیا گیا اور دو آتشیں اسلحہ، جو جرم میں استعمال ہوئے تھے برآمد کر لیا گیا ہے۔ پولیس عہدیدار نے مزید کہا کہ فائرنگ کی وجہ چھوٹے موٹے مسئلے پر لڑائی تھی لیکن ہتھیاروں کے ذرائع کا پتہ لگایا جا رہا ہے۔