نئی دہلی: بدھ کو دہلی میں کوویڈ کے 1,767 نئے معاملے سامنے آئے، جب کہ چھ مریضوں کی کورونا وائرس انفیکشن کی وجہ سے موت ہو گئی۔ یہ معلومات محکمہ صحت کی جانب سے جاری کردہ اعداد و شمار سے حاصل ہوئی ہے۔ محکمہ کے اعدادوشمار کے مطابق شہر میں انفیکشن کی شرح 28.63 فیصد رہی۔ قومی دارالحکومت میں کوویڈ سے مزید چھ لوگوں کی موت کے بعد اس وبا سے مرنے والوں کی تعداد بڑھ کر 26,578 ہو گئی ہے۔ منگل کو دہلی میں کوویڈ کے 1,537 نئے معاملے سامنے آئے، جب کہ انفیکشن کی شرح 26.54 فیصد ریکارڈ کی گئی۔
