قومی راجدھانی دہلی میں بی جے پی رہنما اور سابق کرکٹر گوتم گمبھیر کی گمشدگی کے پوسٹرعوام نے لگائیں ہیں، پوسٹر میں ان کا مذاق اڑاتے ہوئے طپوچھا گیا ہے کہ کیا آپ نے انہیں دیکھا ہے۔
واضح رہے 15 نومبر کو دہلی میں فضائی آلودگی پر منعقد شہری ترقی کی پارلیمانی اسٹینڈنگ کمیٹی کے اجلاس سے گوتم گمبھیر غائب رہے، اسے لے کر ان کو سخت تنقید کا سامنا کرنا پڑ رہا ہے۔
آپ کو بتا دیں کہ گوتم گھمبیر ہندوستانی کرکٹ ٹیم کے سابق کھلاڑی ہیں، 2019 کے پارلیمانی انتخابات کے وقت بی جے پی میں شامل ہوۓ اور بی جے پی نے انہیں مشرقی دہلی سے ٹکٹ دیا تھا اور وہ کامیاب ہو کر پارلیمنٹ پہونچے تھے۔
کہا جا رہا ہے کہ جب سے وہ جیت کر اۓ ہیں انہوں نے اپنے پارلیمانی حلقہ کےلیے وقت نہیں دیا ہے اور نہ عوام سے کبھی مل کر انکے مسائل سنے ہیں، کرکٹ کو الوداع کہنے کے بعد سے وہ بحیثیت مہمان اور کومینٹیٹر کی حیثیت سے بیرون ملک جاتے رہتے ہیں۔