مہمان ٹیم کی فالو آن کے بعد اچھی بیاٹنگ‘ ہندوستان کی دوسری اننگز 63/1
نئی دہلی ۔13؍اکتوبر ( ایجنسیز )ہندوستان اور ویسٹ انڈیز کیی ٹیموں کے درمیان دہلی میں کھیلے جارہے دوسرے ٹسٹ میچ کے چوتھے دن مہمان ویسٹ انڈیز نے 173 رنز دو وکٹوں کے نقصان سے کھیل کا آغاز کیا، جے ڈی کیمپبیل 115 رنز بناکر جڈیجا کی گیند پر ایل بی ڈبلیو ہوگئے۔ویسٹ انڈیز کی چوتھی وکٹ 271 رنز پر گری جب سائی ہوپ 103 رنز بنانے کے بعد محمد سراج کی گیند پر آؤٹ ہوگئے جس کے بعد تیون املاچ 12 رنز بناکر ایل بی ڈبلیو ہوگئے۔روسٹن چیز نے 40 رنز بنائے، کھارے پیرے 0، جومیل واریکن 3، اینڈرسن فلپس 32 رنز بناکر آؤٹ ہوئے جبکہ جسٹن گریوز 50 رنز کے ساتھ ناٹ آؤٹ رہے۔ ویسٹ انڈیز کی ٹیم 390رن بناکر اوٹ ہوگئی ۔ ٹیم انڈیا کو جیت کیلئے 120رنز درکار تھے تاہم چوتھے دن کا کھیل ختم ہونے تک اس نے ایک وکٹ پر63رنز بنالئے تھے۔ہندوستان نے ٹاس جیت کر پہلے بیٹنگ کرتے ہوئے اپنی پہلی اننگز 518/5 پر ڈکلیئر کی تھی جس کے جواب میں کیریبین ٹیم 248 رنز پر آؤٹ ہوکر 270 رنز کے خسارے سے فالو آن کا شکار ہوگئی تھی۔ یشسوی جیسوال 175 اور کپتان شبمن گل ناقابل شکست 129 رنز کے ساتھ نمایاں رہے۔کلدیپ یادونے شاندار بولنگ کی۔پہلے ٹسٹ میں ٹیم انڈیا نے شاندار کامیابی حاصل کی ہے ۔
