نئی دہلی ۔11 مارچ (سیاست ڈاٹ کام) دہلی کے شمال مشرقی علاقوں میں شہریت ترمیمی بل (سی اے اے ) کی حمایت اور مخالفت میں رونما ہو ئے پر تشدد واقعات کے تعلق سے دہلی پولیس نے چہارشنبہ کے روز واٹس ایپ نمبر اور ای میل ایڈریس جاری کر کے لوگوں سے تشدد سے متعلق کوئی بھی معلومات شیئر کرنے کی اپیل کی ہے ۔ دہلی پولیس نے ٹویٹ کر کے لوگوں سے تشدد سے متعلق کوئی بھی تصاویر، ویڈیو یا دیگر معلومات شیئر کرنے کی اپیل کی ہے جس سے انہیں جانچ میں تعاون مل سکے ۔ پولیس نے یہ بھی کہا ہے کہ معلومات شیئر کرنے والوں کی شناخت مکمل طور پر مخفی رکھی جائے گی ۔ دہلی پولیس نے کہا کہ لوگ اور میڈیا سے وابستہ افراد واٹس ایپ نمبر 8750871243 یا ای میل کی آئی ڈی
[email protected]
میں معلومات شیئر کر سکتے ہیں تاکہ ان کو تشدد کی جانچ کرنے میں مدد مل سکے ۔ اس کے علاوہ پولیس نے 8750871221، 875087122 موبائیل نمبر اور 22829334، 22829335 ٹیلی فون نمبر بھی جاری کئے ہیں ۔ واضح ر ہے کہ دہلی کے شمال مشرقی علاقوں میں 24 اور 25 فروری کو رونما ہوئے پر تشدد واقعات میں اب تک تقریبا 50 سے زیادہ افراد کی موت ہو گئی ہے ۔