نئی دہلی: دارالحکومت دہلی میں قطب مینار کامپلکس میں واقع ایک اور تاریخی مسجد کو شہید کرنے کی سازش تیار کی جا رہی ہے۔نئی دہلی کی قوت الاسلام مسجدکے خلاف دہلی کی عدالت میں مقدمہ دائر کر دیا گیا ہے۔درخواست میں دعویٰ کیا گیا ہیکہ قطب مینار کامپلکس کے احاطے میں موجود قوت الاسلام مسجد، مندر کامپلکس کی جگہ بنائی گئی، مسجد کی جگہ مندر کامپلکس کو بحال کیاجائے۔ خیال رہیکہ نئی دہلی کی قوت الاسلام مسجد تاریخی قطب مینار کے نزدیک واقع ہے۔درخواست میں دعویٰ کیا گیاہیکہ قطب مینار کامپلکس ماضی میں جین اور ہندو مندروں پر مشتمل تھا، مسلمان بادشاہ قطب الدین ایبک نے 27 مندروں کو مسمار کرکے مسجد تعمیر کی۔عدالت سے درخواست کی گئی ہے کامپلکس میں ہندو اور جین دیوتاؤں کی مورتیوں کو بحال کیا جائے اور ان کی پوجا کی اجازت دی جائے۔درخواست کی سماعت 24 دسمبر کو ہوگی۔ خیال رہے کہ گزشتہ برس 9 نومبر کو بھارتی سپریم کورٹ نے بابری مسجد کیس کا فیصلہ سناتے ہوئے مسجد کی زمین ہندوؤں کے حوالے کرتے ہوئے مرکزی حکومت کو مندر تعمیر کرنے کا حکم دیا تھا۔
