نئی دہلی: دہلی حکومت کے نائب وزیر اعلیٰ منیش سسودیا نے کل لیفٹیننٹ گورنر ونے کمار سکسینہ کو ایک اور خط لکھا ہے۔ انہوں نے ایل جی سکسینہ سے اپیل کی کہ وہ سرکاری اسپتالوں اور محلہ کلینک میں لیب ٹیسٹ کی تجویز پر فیصلہ لیں۔ سسودیا نے جمعہ کو لیفٹیننٹ گورنر کو ایک خط بھی لکھا ایل جی وی کے سکسینہ کو لکھے گئے خط میں عام آدمی پارٹی کے رہنما اور دہلی حکومت کے نائب وزیر اعلی منیش سسودیا نے دہلی کے سرکاری اسپتالوں اور محلہ کلینک میں لیب ٹیسٹ کی تجویز پر فیصلہ لینے کی اپیل کی ہے۔ انہوں نے کہا ہے کہ فیصلہ نہ لینے کی صورت میں یکم جنوری سے دہلی کے تمام اسپتالوں میں ٹیسٹ روک دیے جائیں گے۔ اس سے متعلق فائل 12 دسمبر سے لیفٹیننٹ گورنر کے پاس زیر التوا ہے منیش سسودیا نے جمعہ کو لیفٹیننٹ گورنر ونے کمار سکسینہ کو بھی ایک خط لکھا تھا۔ انہوں نے کہا تھا کہ ‘ایل جی صاحب حکومت کے روزمرہ کے کام میں مداخلت کر رہے ہیں۔ ایل جی وزراء کو نظرانداز کرتے ہوئے براہ راست افسران کو احکامات دے رہے ہیں۔ یہ سپریم کورٹ کے احکامات کے خلاف ہے۔
