بھارت سماچار نیوزچیانل پربھی دھاوں کی اطلاع ، کانگریس کی حکومت پر تنقید
نئی دہلی : ہندی کے معروف روزنامہ دینک بھاسکر اور بھارت سماچارکے دفاتر اور اور مالکان کے مکانات پر انکم ٹیکس کے عہدیداروں نے دھاوے کئے۔ نیوز پورٹل پر شائع خبر کے مطابق رات ڈھائی بجے کے بعد سیکمپنی کے دفاتر پر دھاوے جاری ہیں اور بھاسکر کے مالکان کے گھروں پر بھی انکم ٹیکس نے دھاوے کئے ہیں۔الزام ہے کہ ٹیکس چوری کے معاملہ میں بھاسکر مالکان کے گھر اور دفاتر پر انکم ٹیکس محکمہ کے چھاپے پڑے ہیں۔ انکم ٹیکس کے تحقیقاتی ونگ کی یہ چھاپے کی کارروائی بھاسکر کے نویئڈا ، جے پور اور احمد آباد کے دفاتر پر کی گئی ہے۔بتا یا جا رہا ہے کہ انکم ٹیکس محکمہ کی یہ چھاپے کی بڑی کارروائی ہے اور اس کارروائی کے پیش نظر ملازمین کے فون ضبط کر لئے گئے ہیں اور ساتھ میں کسی کو بھی دفتر سے باہر نہیں جانے دیا جا رہا ہے۔ انکم ٹیکس محکمہ کے ساتھ مقامی پولیس کا تعاون ہے۔سرچ آپریشن دہلی اور ممبئی کی ٹیم کی نگرانی میں ہورہا ہے اور چھاپہ ماری کی کارروائی میں سو سے زیادہ لوگ شامل ہے۔دوسری طرف بھارت سماچار نحیٰز چیانل کے دفاتراور اس کے مالک و ایڈیٹر انچیف کے مکانات پر بھی دھاوے کئے گئے۔بتایا گیا ہے کہ بھارت سماچار کے ملازمین کے مکانات پر بھی دھاوے کئے گئے ۔ادھر کانگریس نے میڈیا گروپس پر دھاوں کو لے کر مودی حکومت پر تنقید کی ہے۔ کانگریس کے قومی ترجمان رندیپ سنگھ سرجے والا نے ٹویٹ کر کے کہا ’’ریڈ (چھاپہ) جی وی، پریس کی آزادی پر بزدلانہ حملہ۔ روزنامہ بھاسکر کے بھوپال، جے پور اور احمد ا ٓباد کیدفاتر پراب انکم ٹیکس کے چھاپے،۔ جمہوریت کی آواز کو ’ریڈ راج ‘ سے نہیں دبا پائیں گے۔‘‘