نظام آباد مسجد اسلامیہ محلہ حطاء میں جلسہ تقسیم اسناد، مولانا غلام رسول اور دیگر کا خطاب
نظام آباد ۔ 12 ڈسمبر (سیاست ڈسٹرکٹ نیوز) المکتب الاسلامی مسجد اسلامیہ محلہ حطاء میں منعقدہ انعامی جلسہ سے خطاب کرتے ہوئے مولانا غلام رسول قاسمی امام وخطیب مسجد یوسفیہ محلہ حطاء نے کہا کہ ہمارے ملک کا سب سے بڑا مسئلہ ہمارے نونہالوں کے ایمان وعقائد کاتحفظ ہے ان مکاتب میں نورانی قاعدہ قرآن مجید کے علاوہ ابتدائی بنیادی عقائد وعبادات سے طلباء وطالبات کو واقف کرایا جاتا ہے اوریہی حقیقت میں دین اسلام اورمسلمانوں کی خدمت ہے اس موقع پر الماس خان مالک ہوٹل پیرڈائز نے خوشی ومسرت کا اظہار کرتے ہوے کہا کہ ہم اس مکتب اوردیگر دینی مکاتب کو قدر کی نگاہوں سے دیکھتے ہیں اور ترقیات کے لیے دعاگوہیں ۔ نائب صدر مسجد اسلامیہ محمد یوسف مالک آرزو جویلرس نے کہا کہ کرام اورائمہ کی محنتوں کو دیکھ کر طبعی خوشی ہوئی ۔ گوتم نگر یلمہ گٹہ محلہ حطاء کے ان مقامات پر مستقل یہ مکا تب کام کررہے ہیں جس سے تاحال سینکڑوں طلباء وطالبات نے قرآن مجید کو تجوید کے ساتھ پڑھنا سیکھ لیا فی الحال 12 ذمہ داران اس مہم کا حصہ بنے ہوئے ہیں اور 170 طلباء کو علم دین سے واقف کراتے ہوے ان کے دین وایمان اورعقائد کے تحفظ کے حوالہ سے محنت کررہے ہیں ان علماء کرام نے ارادہ ظاہر کیا کہ اگر معاونین کا مخلصانہ تعاون حاصل رہا تو گلی گلی اس طرح کے مکاتب کی بنیادڈالی جاے گی پروگرام کا آغاز طلباء کرام کی تلاوت سے ہوا سیرت النبی صلی اللہ علیہ وسلم اور عقائد کوئز مقابلہ میں اول دوم پوزیشن حاصل کرنے والے کل 23طلباء کو ایوارڈ سے نوازا گیا اس موقع پرمفتی عبد المبین قاسمی امام وخطیب مسجد فرحت النساء مولانا ارشد علی قاسمی امام وخطیب مسجد حمیدہ مولانا ابرار قاسمی امام وخطیب مسجد عبداللہ مصباح مفتی سہیل قاسمی امام وخطیب مسجد نور مولانا مجاہد قاسمی مظہر احمد حافظ محمد محسن حافظ عبدالملک حافظ مجیب محمد عمران عبدالنعیم ساجد بھای محمد رفیق کے علاؤہ دیگر اہلیان محلہ شریک رہے محمد یونس عمران شریف عبدالقدیر ودیگر ذمہ داران نے انتظامات میں حصہ لیا تمام ذمہ داران نے حافظ راشد استاد مکتب ہذا کی خدمات کو سراہا۔