پٹنہ: بہار ریاستی یوتھ کانگریس نے ریاست میں نقل مکانی، بے روزگاری اور بڑھتے ہوئے جرائم کو لے کر وزیر اعلیٰ نتیش کمار کو نشانہ بنایا اور کہا کہ ‘دیکھ لیا ہے 20 سال ، نہیں چلیں گے چچا نتیش ۔ بہار میں اس سال ہونے والے اسمبلی انتخابات سے پہلے سیاسی درجہ حرارت بڑھ رہا ہے ۔ سیاسی گلیاروں میں پوسٹر وار اپنے عروج پر ہے ۔ نیشنل ڈیموکریٹک الائنس (این ڈی اے) اور مہاگٹھ بندھن کے رہنماو ں کے درمیان پوسٹر وار جاری ہے ۔ سیاسی جماعتیں ایک دوسرے کو نشانہ بنانے کا کوئی موقع نہیں چھوڑ رہے ہیں۔ اس سیاسی لڑائی میں کانگریس بھی شامل ہو گئی ہے ۔ کانگریس نے ایک پوسٹر جاری کرکے مسٹر کمار پر حملہ کیا ہے ۔ یہ پوسٹر بہار ریاستی یوتھ کانگریس نے جاری کیا ہے ۔ پوسٹر میں مسٹر کمار کی حکومت کو بہار سے ہجرت، بے روزگاری اور ریاست میں بڑھتے ہوئے جرائم کا ذمہ دار ٹھہرایا گیا ہے ۔ پوسٹر کے ذریعے بدعنوانی اور خواتین کی حفاظت کے مسائل پر مسٹر کمار کو گھیرنے کی کوشش بھی کی گئی ہے ۔ پوسٹر میں مسٹر کمار کی ایک تصویر ہے ۔ اس تصویر کے ارد گرد مختلف مسائل کی تصویریں ہیں۔ غیر محفوظ خواتین، بے روزگاری، ہجرت، جرائم اور کرپشن کی تصویریںلگی ہیں۔
اس کے ساتھ پوسٹر پر لکھا ہوا ہے ، ‘دیکھ لیا ہے سال 20 نہیں چلیں گے چچا نتیش ، ۔ پوسٹر کے نیچے بہار ریاستی یوتھ کانگریس کو درخواست گذار کے طور پر لکھا گیا ہے ۔
