ہیرکٹنگ سیلون ، ہوٹلس اور شراب کی دکانات بدستور بند رہیں گی : وزارتِ داخلہ کے احکام
نئی دہلی۔ 25 اپریل (سیاست ڈاٹ کام) مرکزی وزارت داخلہ نے شہر اور دیہی علاقوں میں چند دکانات کھلے رکھنے سے متعلق رات دیر گئے جاری کردہ اپنے احکام میں واضح کردیا ہے کہ چھوٹی غذائی اشیاء، ترکاریوں اور پھل کی دکانات کسی رکاوٹ کے بغیر کھلی رکھی جائیں گی، لیکن شراب کی دکانات پر پابندی بدستور برقرار رہے گی اور دکانات اور شراب خانے نہیں کھلے جاسکیں گے۔ دیہی اور شہری علاقوں میں ایک ملگی میں علیحدہ طور پر قائم یا بڑے رہائشی کامپلیکس اسٹور کھلے رہیں گے، تاہم شہری علاقوں میں بڑے مارکٹس ؍ مارکٹ کامپلیکس یا شاپنگ مالس کھولنے کی اجازت نہیں رہے گی۔ مرکزی وزارت اُمور داخلہ کی جوائنٹ سیکریٹری پنیا سلیلا سریواستو نے ہفتہ کو کہا کہ لاک ڈاؤن کے درمیان دکانات کھولنے سے جدید سرکاری احکامات صرف انہیں دکانات سے متعلق ہیں جہاں معلنہ اشیاء فروخت کی جاتی ہیں۔ انہوں نے وضاحت کی کہ حجامت خانے (ہیرڈریسنگ سیلون)، ہر قسم کی ہوٹل و ریسٹورنٹ کے علاوہ شراب کی دکانات بدستور بند رہیں گی۔
