نئی دہلی: راجیہ سبھا میں پارٹی کے جذبہ سے بالا تر ہوکر تمام سیاسی جماعتوں نے ذات پر مبنی مردم شماری کی مانگ کرتے ہوئے آج کہا کہ اس کے بغیر اعدادو شمار کی عدم موجودگی میں پسماندہ طبقہ کو ریزرویشن کا مکمل فائدہ نہیں مل سکتا۔دیگر پسماندہ طبقہ (او بی سی) ذات کی فہرست بنانے کا حق ریاستوں کو دینے سے متعلقہ آئین کی 105ویں ترمیم بل پر راجیہ سبھا میں بحث کے دوران مختلف جماعتوں کے اراکین نے کہاکہ ذات پر مبنی مردم شماری سے یہ پتہ چل سکے گا کہ لوگوں کو اصل حالت کیا ہے اور کس ذات کی کتنی آبادی ہے اور کس پیشہ سے منسلک ہیں نیز ان کی تعلیم کی اور اقتصادی صورتحال کیا ہے ۔اس سے پہلے سماجی انصاف اورامپاورمنٹ کے وزیر ڈاکٹر وریندر کمار نے لوک سبھا سے منظور اس بل کے ایوان میں پیش کیا اور کہاکہ اس سے پہلے (127ویں دستوری ترمیم) بل کا نام تبدیل کرکے (105ویں دستوری ترمیم) بل کردیا گیا ہے۔ انہوں نے کہا کہ اس کے ذریعہ ریاستوں کو او بی سی کی فہرست بنانے کا اختیاردیا جارہا ہے ۔ اس سے میڈیکل داخلہ میں او بی سی کے لئے چار ہزار سیٹوں کا اضافہ کیا جائے گا۔
