اسلام آباد: سابق وزیراعظم ذوالفقار علی بھٹو کو بعد از مرگ اعلیٰ ترین سیول ایوارڈ نشانِ پاکستان عطا کردیا گیا۔ مختلف شعبوں میں نمایاں کارکردگی دکھانے والے افراد کو سیول ایوارڈز دینے کی تقاریب کا انعقاد کیا گیا۔ایوان صدر اسلام آباد میں ہونے والی تقریب میں دفاع، سیاست، تعلیم، معاشیات، طب، سائنس، فنون لطیفہ، اسپورٹس، میڈیا اور دیگر شعبوں میں نمایاں کارگردگی دکھانے والے افراد کو ایوارڈز سے نوازا گیا۔ذوالفقار علی بھٹو کا ایوارڈ اْن کی بیٹی صنم بھٹو نے حاصل کیا۔ اس موقع پر ان کی نواسی آصفہ بھٹو زرداری بھی موجود تھیں۔
