حیدرآباد یکم اپریل (یواین آئی) تلنگانہ کے وزیرصحت ای راجندر نے کہا ہے کہ محکمہ صحت الگ تھلگ رکھے گئے 25ہزار افراد پر نظر رکھے ہوئے ہیں۔مسٹر راجندر نے اس خصوص میں انگریزی زبان میں کئے گئے ٹوئیٹ میں کہا کہ رئیل ٹائم جیو لوکیشن کی مدد سے ان افراد کی نگرانی کی جارہی ہے جن کو گھروں میں الگ تھلگ رہنے کی ہدایت دی گئی ہے ۔انہوں نے کہا کہ کوویڈ۔19کے نگرانی کے نظام کے ذریعہ یہ ممکن ہوسکا۔واضح رہے کہ کئی افراد جو بیرونی ممالک سے اپنے آبائی مقامات کو واپس ہوئے کو گھروں میں 14دنوں کے لئے الگ تھلگ رہنے کی ہدایت دی گئی ہے ۔