لوہانسک ۔ یوکرین میں خودمختار لوہانسک عوامی جمہوریہ (ایل پی آر) کی ملیشیا (ملٹری) نے کہا کہ ملکی فوج کی بکتر بند گاڑیوں کو اتوار کو ڈون باس میں لائن آف کنٹیکٹ کے نزدیک کیف کے ذریعہ کنٹرول مراتوف گاؤں کے نزدیک تعینات کیا گیا ہے ۔ پیپلز ملیشیا کے ایک اہلکار نے بتایاکہ دو بکتر بند اسکاؤٹ کاریں بی آر ڈی ایم-2 اور ایک انفنٹری فائٹنگ وہیکل بی ایم پی-2 کو مراتوف میں تعینات کرنے کی اطلاع ملی ہے ۔ انہوں نے بتایا کہ یوکرائنی فورسز نے ہفتے کو لائن آف کنٹیکٹ کے قریب کلینوو گاؤں کے قریب بکتر بند گاڑیاں بھی تعینات کیں۔ واضح رہے کہ یوکرین کی حکومت اور علیحدہ ہونے والی ڈونیٹسک اور لوہانسک جمہوریہ کے درمیان 2014 سے ڈون باس میں تنازعہ جاری ہے ۔ منسک معاہدوں پر فروری 2015 میں نارمنڈی گروپ کے رہنماؤں نے تنازع کا سیاسی حل تلاش کرنے کے لیے بات چیت کی تھی۔ تاہم، ابھی تک معاہدے پر عمل نہیں کیا گیا ہے اور اکادکا جھڑپیں جاری ہیں۔ روس نے کیف پر منسک معاہدوں کو پورا نہ کرنے اور تنازع کے حل کے لیے مذاکرات میں تاخیر کا الزام لگایا ہے ۔
