حیدرآباد : ایس ایس راجامولی فی الحال اپنی اگلی بنانے میں مصرو ہیں۔ پرینکا چوپڑا مہیش بابو کے ساتھ اس فلم جس کا فی الحال نام صرف ایس ایس ایم بی29 رکھا گیا ہے اس میں کام کر رہی ہیں جو 1000 کروڑ کے بجٹ میں بن رہی ہے۔ اس وقت فلم کی شوٹنگ حیدرآباد میں جاری ہے۔ تاہم فلم کا نام ابھی تک سامنے نہیں آیا ہے۔ دراصل اس طرح کے چرچے کافی عرصے سے چل رہے ہیں کہ فی الحال بنانے والے دو تین ناموں پر غورکر رہے ہیں لیکن ابھی تک کچھ بھی حتمی نہیں ہے۔ اب ایک نئی رپورٹ کے مطابق راجامولی دو ناموں پر بحث کر رہے ہیں حالانکہ راجامولی نے ابھی تک فلم کی کوئی تفصیلات فراہم نہیں کی ہیں۔ یہی وجہ ہے کہ پوری ٹیم کو سیٹ پر فون لانے پر پابندی ہے۔ ایک معاہدے پر دستخط بھی کیے گئے ہیں لیکن تازہ ترین اطلاعات کے مطابق گروڈ اور مہاراج کے ناموں پر بات ہو رہی ہے۔ حال ہی میں بالی ووڈ خبری کی ایک رپورٹ سامنے آئی ہے جس میں بتایا جا رہا ہے کہ مہاراجہ ایس ایس راجامولی کی 1000 کروڑ کی فلم کے لیے بہترین انتخاب ہے۔ لیکن فی الحال بنانے والوں کی طرف سے کسی بھی چیز کی تصدیق نہیں کی گئی ہے۔ عام طور پر فلمساز اپنی فلموں کے نام منفرد رکھتے ہیں۔ لیکن مہاراجہ کے نام سے کئی فلمیں پہلے ہی ریلیز ہوچکی ہیں۔ اب چونکہ راجامولی اس معاملے میں ایک قدم آگے سوچتے ہیں، دیکھنا یہ ہے کہ یہ کتنا درست ہے۔ کیا واقعی مہاراج کا نام قطعی ہو جائے گا؟ ایک ہی نام رکھنے کے عمل میں نقصان ہو سکتا ہے۔فی الحال، فلم کی شوٹنگ حیدرآباد میں ایک ایلومینیم فیکٹری میں جاری ہے. جہاں مہیش بابو موجود ہیں وہیں پرینکا چوپڑا بھی جلد ہی ان کے ساتھ جلوہ گر ہوں گی۔ ہر روز فلم کے بارے میں کوئی نہ کوئی تازہ خبر ہوتی ہے۔ چند روز قبل خبر آئی تھی کہ نانا پاٹیکرکو فلم کے لیے کاسٹ کیا جا سکتا ہے۔ تاہم کچھ بھی تصدیق نہیں کی گئی تھی.حال ہی میں خبر آئی تھی کہ پرینکا چوپڑا کو اس 1000کروڑ کی فلم کے لیے 30 کروڑ روپے ملے ہیں۔ تاہم یہ ان کے پچھلے ہالی ووڈ پروجیکٹ سے 10کروڑ روپے کم ہے۔ انہیں وہاں40 کروڑ روپے کی فیس ملتی ہے لیکن اداکارہ نے کم فیس پر رضامندی ظاہرکی کیونکہ راجامولی انہیں ایک بہترین کردارکی پیشکش کر رہے تھے۔ وہ ویلن بن رہی ہیں لیکن یہ اس انداز میں ہوگی جو پہلے نہیں دیکھی گئی تھی۔
