واشنگٹن ۔صدر امریکہ ڈونالڈ ٹرمپ نے صدارتی اختیارات استعمال کرتے ہوئے اپنے دوست وسابق مشیر کو عدالت کی سزا ختم کر دی ہے۔ راجر اسٹون کو سابق صدارتی انتخابات میں روس کی مداخلت سے متعلق معاملے میں امریکی کانگریس سے جھوٹ بولنے اور شواہد کیساتھ چھیڑ چھاڑ کے جرم میں عدالت نے قید کی سزا سنائی تھی۔
وائٹ ہاؤس کی جانب سے جاری کردہ بیان میں کہا گیا ہے کہ اسٹون ’روسی من گھڑت قصے کا ایک متاثرہ شخص ہے‘۔ یہ بات اہم ہے کہ صدر ٹرمپ نے اپنے اختیارات کا استعمال کرتے ہوئے راجر اسٹون کو معافی نہیں دے بلکہ ان کو دی جانے والی 40 ماہ کی سزا ختم کی ہے۔ یعنی راجر اسٹون قانونی طور پر اب بھی سزا یافتہ مجرم ہی رہیں گے تاہم قید کی سزا نہیں بھگتیں گے۔